«Тукаевский водоканал» ҖЧҖ өчен тарифлар билгеләнде
2022 елның 11 маенда Татарстан Республикасы Тарифлар буенча дәүләт комитеты идарәсе «Тукаевский водоканал» ҖЧҖ өчен эчәргә яраклы суга һәм ташландык суларны агызуга 2022 ел өчен тарифлар билгеләде.
Бәтке авыл җирлеге «Нефтебаза» бистәсе торак-социаль өлкә объектлары эчә торган сыйфатлы салкын су белән тәэмин итү һәм ташландык суларны агызу хезмәтләрен кулланучылар булып тора.
«Тукаевский водоканал» ҖЧҖ суны «Татнефть - АЗС Центр» ҖЧҖнең Чаллы филиалыннан сатып ала. Оешмага 1,08 км озынлыкта суүткәргеч челтәрләре хезмәт күрсәтә.
Агынты сулар «Татнефть - АЗС Центр» ҖЧҖнең Чаллы филиалына чистартуга тапшырыла. Оешмага 1,26 км озынлыкта канализация челтәрләре хезмәт күрсәтә.
Тарифлар оешманың җайга салына торган эшчәнлек төрләрен гамәлгә ашыру өчен кирәкле икътисади нигезләнгән чыгымнарны исәпкә алып кабул ителде. Җайга салу органы сайтында кабул ителгән тариф карарлары белән танышырга мөмкин.