1 майда тариф гаризаларын тапшыру вакыты тәмамлана
Татарстан Республикасы Тарифлар буенча дәүләт комитеты 2021 ел өчен су белән тәэмин итү, ташландык суларны агызу, җылылык белән тәэмин итү, каты коммуналь калдыклар белән эш итү өлкәләрендә хезмәт күрсәтүче җайга салына торган оешмаларның икътисади эшчәнлеге нәтиҗәләренә һәм 2021 ел өчен эш нәтиҗәләренә анализ ясауны дәвам итә.
Көн тәртибендә түбәндәге җайга салына торган оешмаларның су белән тәэмин итү, ташландык суларны агызу, җылылык белән тәэмин итү һәм каты көнкүреш калдыкларын утильләштерү өлкәләрендәге финанс-хуҗалык эшчәнлеге нәтиҗәләре каралды: «Чистопольское ПТС» ҖЧҖ, «Восток-Энерго» сәнәгать-коммерция фирмасы ҖЧҖ, «Чистополь-водоканал» АҖ,, «Чистопольское сельское жилищно-коммунальное хозяйство» ҖЧҖ, «Индустрия» ҖЧҖ, «Алабуга Соте» ААҖ.
Утырыш барышында рәиснең беренче урынбасары Лариса Хәбибуллина ике ставкалы тарифлардан бер ставкалы тарифларга күчкәндә кайнар су белән тәэмин итүнең башлангыч исәбен теркәү зарурлыгына басым ясады.
ТР Тарифлар буенча дәүләт комитеты 1 майда 2023 елгы тариф кампаниясе кысаларында су белән тәэмин итү һәм ташландык суларны агызу, җылылык белән тәэмин итү, электр белән тәэмин итү өлкәсендә җайга салына торган оешмалар өчен тарифлар буенча гаризалар бирү вакыты тәмамлана, дип искә төшерә.