ТР Тарифлар буенча дәүләт комитетының Килештерү комиссиясе җайга салына торган оешмаларның финанс хәле турында фикер алышты
Татарстан Республикасы Тарифлар буенча дәүләт комитеты 2021 ел өчен су белән тәэмин итү, ташландык суларны агызу, җылылык белән тәэмин итү өлкәләрендә хезмәт күрсәтүче җайга салына торган оешмаларның икътисади эшчәнлеге нәтиҗәләренә һәм 2021 ел өчен эш нәтиҗәләренә анализ ясауны дәвам итә.
Бүген Килештерү комиссиясе утырышы кысаларында җайга салучы орган Буа муниципаль районындагы түбәндәге предприятиеләрнең финанс хисапларын карады: «Буинск-Водоканал» АҖ, «Буинское ПТС» АҖ, «Киятское МПП ЖКХ» ҖЧҖ, «Родник» ҖЧҖ,«Буинское МПП ЖКХ» АҖ, «СЭС-Регион» ҖЧҖ.
Утырыш барышында Лариса Хәбибуллина инвестиция проектларын әзерләүнең кирәклегенә басым ясады, анда оешмада булган амортизация өчен бүлеп бирелгән сумма, шулай ук әйләнә-тирә мохиткә тискәре йогынты ясаган өчен бирелә торган түләүләрне чыганак буларак билгеләү тәкъдим ителде.
Килештерү комиссиясе утырышлары графигы җайга салу органының рәсми сайтында урнаштырылган.