Россиядә торак коммуналь-хуҗалык өлкәсендә ярдәм итү һәм контрольдә тоту буенча яңа комплекслы механизм эшли башлаячак

Федерация Советы каршындагы торак төзелеше һәм торак-коммуналь комплексны үстерү мәсьәләләре буенча Совет коммуналь инфраструктура объектларын төзү, реконструкцияләү һәм модернизацияләү программасын гамәлгә ашыру буенча мониторинг үткәрергә ниятли.

Программа нигезендә, Милли байлык фондыннан коммуналь инфраструктураны модернизацияләүгә 150 миллиард сум акча бүлеп бирелә, 25 елга кадәр бурычны максатчан финанслау каралган. Торак-коммуналь хуҗалыкны реформалаштыруга ярдәм итү фонды, квартал саен хисап биреп, проектларны гамәлгә ашыру һәм акчалардан файдалану барышын контрольдә тотачак, дип хәбәр иттеләр Россия Федерациясе Федераль Җыенының Федерация Советында.