Татарстан Республикасы Тарифлар буенча дәүләт комитеты газ бүлү челтәрләренә тоташкан өчен ташламалы түләү билгеләде

Татарстан Республикасы Тарифлар буенча дәүләт комитеты «ГазпромТрансгазКазань» ҖЧҖ газ бүлү челтәрләренә газ кулланучы җиһазларны кушу өчен 2022 елга «ташламалы» түләү раслады.

Ташламалы түләү, газлаштырып бетерү критериясенә эләкмәгән, сәгатенә 15 куб. метрга кадәр газ тоткан юридик затлар өчен кулланыла. Аның күләме 29 460, 25 сумнан 73 650,60 сумга кадәр билгеләнде.

Ташламалы түләүдән мөрәҗәгать итүчеләрнең түбәндәге категориясе файдалана алачак:

• сәгатенә иң күбе 5 куб.метр газ сарыф итә торган (эшкуарлык эшчәнлеге белән шөгыльләнмәгән), проект буенча эш басымы иң күбе 0,3 МП булган һәм ераклыгы 200 метрдан артмаган затлар;
• сәгатенә иң күбе 15 куб.метр газ сарыф итә торган (эшкуарлык эшчәнлеге белән шөгыльләнә торган), проект буенча эш басымы иң күбе 0,3 МП булган һәм ераклыгы 200 метрдан артмаган затлар.

    Исегезгә төшерәбез, шулай ук Татарстанда социаль газлаштыру (газлаштырып бетерү) программасы да гамәлгә ашырыла.  Программадан теркәлгән йорт биләмәләренең физик затлары бушка файдалана алачак.

Газлаштырып бетерүнең төп критерийлары:

• мөрәҗәгать итүче – физик зат. Гражданиндагы торак йорт һәм җир кишәрлеге милек хокукында аныкы булып тора;
• газ куллану юнәлеше – эшкуарлыкка бәйле булмаган шәхси
• йорт ихтыяҗлары;
• йорт биләмәсе газлаштырылган торак пункт чикләрендә урнашкан;
• газ бүлү челтәренең күләме һәм озынлыгы буенча чикләүләр юк;
• Торак пункт чикләрендә урнашкан коммерциясез бакчачылык ширкәте гомуми файдалану чикләренә кадәр газлаштырылган.

Социаль газлаштыру (газлаштырып бетерү) өчен гаризалар Россия Федерациясе Бердәм газлаштыру операторы порталында кабул ителә.

Газлаштырып бетерү критериясенә эләкмәгән физик затлар, шулай ук «ташламалы» категориягә карамаган юридик затлар өчен Дәүләт комитеты тоташтырган өчен түләү исәпләүнең стандартлаштырылган тариф ставкаларын билгеләде.

Кабул ителгән карарлар белән җайга салу органы сайтында танышырга мөмкин.