Казанда G20 Outreach форматында “Энергетика инфраструктурасында нәтиҗәле җайга салу һәм инвестицияләр җәлеп итүгә кызыксыну тудыру” дигән темага энергетика өлкәсендә җайга салучыларның “Түгәрәк өстәл”е була
2013 елның 3 июнендә Казан шәһәрендә башкалабызның шәһәр ратушасында Татарстан Республикасы Хөкүмәтенең оештыру ягыннан ярдәме белән G20 Outreach форматында “Энергетика инфраструктурасында нәтиҗәле җайга салу һәм инвестицияләр җәлеп итүгә кызыксыну тудыру” дигән темага энергетика өлкәсендә җайга салучыларның “Түгәрәк өстәл”е була.
“Түгәрәк өстәл”дә катнашалар:
- Юдаева Ксения Валентиновна, Россия Федерациясе Президентының Экспертлар идарәсе начальнигы, “Группа двадцати” төркемендә Россия шерпасы;
- Новиков Сергей Геннадьевич, Программ Комитет рәистәше, Федераль тарифлар хезмәте җитәкчесе;
- Альберто Поточниг, Энергетика өлкәсендә җайга салучыларның хезмәттәшлек агентлыгы (ACER) директоры;
- Лорд Джон Могг, Программ комитет рәистәше, Office of Gas and Electricity Markets (OFGEM) президенты, Бөекбритания, Энергетика өлкәсендә Европа җайга салучылары советы (CEER) президенты;
- Миңнеханов Рөстәм Нургали улы, Татарстан Республикасы Президенты, Россия;
- G20 илләре (Аргентина, Бразилия, Кытай, Мексика, Көньяк Африка, Төркия, Бөекбритания, АКШ) һәм энергетика өлкәсен җайга салу ассоциацияләре (OECD (Organization of Economic Co-operation and Development), CEER (Council of European Energy Regulators), AFUR (African Forum for Utility Regulators), ARIAE (Association of Ibero-American Regulators), EAPIRF ( Regional Electricity Regulators Association of Southern Africa), ERRA (Energy Regulators Regional Association), MEDREG (Association of the Mediterranean Regulators for Electricity and Gas) ACER (Agency for Cooperation oа Energy Regulators), as well as ICER (International Confederation of Energy Regulators)) вәкилләре.
“Түгәрәк өстәл” барышында энергетика өлкәсендә җайга салучыларның энергетика инфраструктурасында нәтиҗәле җайга салу һәм инвестицияләр җәлеп итүгә кызыксыну тудыру турында белдерүе буенча фикер алышу булачак. Белдерүдә илкүләм структур икътисадый реформалар планнарында энергетика инфраструктурасына инвестицияләр җәлеп итүгә кызыксыну тудыру һәм тотрыклы үсеш өчен энергетика базарларын нәтиҗәле җайга салуның төп принциплары урын алган.
Әлеге эш “Группа двадцати”да Россия Федерациясе рәислегендәге өстенлекле сигез теманың берсе – “Глобаль энергетика базарларын тотрыклы үстерү” кысаларында алып барыла. Бу тема кысаларында “Энергетика инфраструктурасын үстерү максатында төпле җайга салу” дигән кече тема бүлеп алынган.
Массакүләм мәгълүмат чараларын әлеге чараны яктырту өчен чакырабыз. Аккредитация 2013 елның 31 маена кадәр (15:00 сәгатькәчә) 221-82-06 телефоны аша була.