Татарстан Республикасы Тарифлар буенча дәүләт комитеты Бөтенроссия тариф конференциясендә катнаша

Татарстан Республикасы Тарифлар буенча дәүләт комитеты делегациясе Кырым Республикасының Ялта шәһәрендә уза торган Бөтенроссия тариф конференциясендә катнаша. Төп тема – Россиянең Монополиягә каршы федераль хезмәте тарафыннан эшләнгән озак сроклы тарифларны җайга салу концепциясе (хәзер төбәкләр, Россия Монополиягә каршы федераль хезмәт белән килештергәннән соң, һәр киләсе елга билгеләү урынына иң чик индексларны берничә елга алдан билгеләү мөмкинлегенә ия, бу исә инвестиция эшчәнлеген планлаштыруның нәтиҗәлелеген гарантияләргә ярдәм итәчәк).

Бөтенроссия тариф конференциясендә Россиянең Монополиягә каршы федераль хезмәте җитәкчесе Максим Шаскольский, Россиянең Монополиягә каршы федераль хезмәте җитәкчесе урынбасарлары, Россиянең Монополиягә каршы федераль хезмәте җитәкчесе идарәләренең башлыклары, шулай ук РФ субъектлары җитәкчеләре, төбәкләрдәге тариф органнары һәм инфраструктура секторы оешмалары җитәкчеләре катнаша.

Конференциядә озак сроклы тарифларны җайга салу концепциясен тормышка ашыру мәсьәләләре: газ белән тәэмин итү өлкәсендә тарифларны җайга салу мәсьәләләре каралачак. Догазификация мәсьәләсе буенча Россия Федерациясе Президенты йөкләмәсен тормышка ашыруга багышланган семинар узачак.

Электр энергиясен тапшырганда эталоннар кертү һәм 2022 елга электр челтәре комплексында тарифларны җайга салу үзенчәлекләре, каты коммуналь калдыклар өчен тарифларны җайга салуның актуаль үзгәрешләре һ.б. хакында фикер алышачаклар. Тарифларны җайга салуны цифрлаштыру да мөһим тема булачак.

Моннан тыш, чарада катнашучылар Россия Федерациясе Хөкүмәтенең ТКХ объектларын бәяләрне (тарифларны) дәүләти җайга салу һәм инвесторларга ярдәм күрсәтү механизмнары аша модернизацияләүне тизләтү чаралары планы буенча да фикер алышачак.