Каты коммуналь калдыклар штабы төбәк операторларына башланачак уку елына әзерләнергә тәкъдим итте
2021 елның 11 августында Дәүләт комитетында каты коммуналь калдыклар белән эш итү өлкәсендә төбәк операторлары эшчәнлеген карау буенча штабның Татарстан Республикасы Тарифлар буенча дәүләт комитеты рәисе урынбасары вазыйфаларын вакытлыча башкаручы Н.Р. Белалеева җитәкчелегендә чираттагы утырышы булып узды.
2021 елның 23 маенда «Халык контроле» дәүләт мәгълүмат системасында Зәй муниципаль районының Урсай авыл җирлегендә чүп-чарны сирәк чыгару турында шикаять теркәлгән, ул унтугыз көн эчендә эшкә алынган булып санала, «Халык контроле» дәүләт мәгълүмат системасы җитәкчесе урынбасары Индира Вәлиуллина сүзләренә караганда, бу хәл Карарны турыдан-туры бозу очрагы булып тора.
Кеше хокуклары буенча вәкаләтле вәкил сүзләренә караганда, «Халык контроле» дәүләт мәгълүмат системасына мөрәҗәгать итү статистикасы гражданнардан килгән гаризаларның артуын күрсәтә. Татарстан Республикасы Тарифлар буенча дәүләт комитеты штабының узган утырышыннан алып каты коммуналь калдыклар чыгару мәсьәләсе буенча 27 белдерү алынган, шуларның иң күбесе:
– Казан шәһәре буенча – 8 мөрәҗәгать (узган атнада 11 мөрәҗәгать алынган);
– Яр Чаллы шәһәре буенча – 8 мөрәҗәгать;
– Лаеш муниципаль районы буенча – 8;
– Зеленодольск районы буенча – 1 мөрәҗәгать.
Гомумән алганда, «Халык контроле» дәүләт мәгълүмат системасы вәкиле шикаятьләрне вакытында эшкәртүнең тотрыклы булуы турында билгеләп үтте һәм районнарның башкарма комитетларына, төбәк операторлары белән берлектә, уку йортлары эшли башлагач каты коммуналь калдыклар күләме арту сәбәпле, башланачак уку елына әзерләнергә киңәш итте.