Бүген Татарстан Республикасы Тарифлар буенча дәүләт комитеты Татарстан Республикасының Бөгелмә муниципаль районында гражданнарны кабул итте
Бүген Татарстан Республикасы Тарифлар буенча дәүләт комитеты Татарстан Республикасының Бөгелмә муниципаль районында гражданнарны кабул итте. Халыктан алынган сорауларга Дәүләт комитеты рәисе урынбасары Лилия Борисова җавап бирде.
Кабул итү барышында район халкы коммуналь һәм торак хезмәтләре күрсәткән өчен түләү хисаплау мәсьәләләре буенча мөрәҗәгать итте. Аерым алганда, кабул итүгә килгән гражданнар ишегалды территориясен карап тоту һәм хезмәт күрсәтү өчен югары бәягә, шулай ук күпфатирлы йортта гомуми милекне карап тоту өчен түләүнең югары булуына зарланды.
Барлык мөрәҗәгатьләргә дә тиешле аңлатмалар бирелде.
Гражданнарны кабул итүдә шулай ук Бөгелмә муниципаль районы Башкарма комитеты җитәкчесе вазыйфаларын башкаручы Вахит Гарәфетдинов та катнашты.
Исегезгә төшерәбез, 2021 елның июненнән октябрь аена кадәр Татарстан Республикасы Тарифлар буенча дәүләт комитеты җитәкчелеге республиканың 21 муниципаль районында яшәүчеләр белән очрашачак. ТР Тарифлар буенча дәүләт комитетына мөрәҗәгатьне җайга салу органының интернет-кабул итү системасы, шулай ук 8 (843) 2218-200 «кайнар линия» телефоны аша калдырырга мөмкин. Моннан тыш, республикада яшәүчеләр еш бирелә торган сораулар һәм аларга актуаль җаваплар белән Татарстан Республикасы Тарифлар буенча дәүләт комитеты сайтының «Гражданнарның мөрәҗәгатьләре һәм аларны кабул итү» бүлегендә дә танышып чыга ала.