Штаб республикада каты коммуналь калдыклар чыгаруга бәйле вәзгыятьнең яхшыруын билгеләп үтте
2021 елның 7 июлендә Татарстан Республикасы Тарифлар буенча дәүләт комитетында рәис урынбасары Лариса Хәбибуллина җитәкчелегендә узган каты коммуналь калдыклар белән эш итү штабының көн тәртибендә соңгы ике айда калдыклар чыгаруга карата мөрәҗәгатьләрнең һәм шикаятьләрнең тотрыклы рәвештә кимүе хакында билгеләп үттеләр.
Татарстанның «Халык контроле» ДМС системасына килгән мөрәҗәгатьләрне анализлау республиканың барлык муниципаль районнары буенча калдыклар чыгаруга бәйле хәлнең яхшыруын күрсәтә. Татарстан Республикасында Кеше хокуклары буенча вәкаләтле зат вәкиле Р.И. Низамиев хәбәр иткәнчә, төбәк операторлары ягыннан тупас бозулар юк, ләкин башкарма комитетлардагы җитәкчеләрнең игътибарын мөрәҗәгатьләрне һәм шикаятьләрне атна саен, йогынты ясауга бәйле контроль срокларны бозмыйча мониторинглау зарурлыгына юнәлтте.
2021 елның 23 июненнән 29 июненә кадәрге чорда каты коммуналь калдыкларны чыгару мәсьәләсе буенча иң күп мөрәҗәгатьләр түбәндәгеләр буенча алынган:
Казан шәһәре буенча – 9 мөрәҗәгать;
Әлмәт районы буенча – 2 мөрәҗәгать;
Спас районы буенча – 2 мөрәҗәгать.
Лаеш районы буенча – 1 мөрәҗәгать;
Зеленодольск районы буенча – 3 мөрәҗәгать.
Апас районы буенча – 0 мөрәҗәгать;
Алабуга районы буенча – 0 мөрәҗәгать.
Зеленодольск районында Татарстан Республикасының авыл җирлекләре буенча каты коммуналь калдыклар чыгаруның килешенгән графигы юк. Штаб актуаль графикны мәгълүмат ресурсларында һәм кәгазь чыганакларда урнаштыру өчен бер атна вакыт бирде.
Утырыш кысаларында шулай ук республиканың муниципаль берәмлекләрендә түләү җыю мәсьәләләре дә каралды. Штаб муниципаль берәмлекләрнең башкарма комитетларына халыктан каты коммуналь калдыклар белән эш итүгә бәйле күрсәтелгән хезмәтләр буенча мәгълүматны актуальләштерү үтенече белән мөрәҗәгать итте.