Татарстан Республикасы Тарифлар буенча дәүләт комитеты идарәсе социаль ипотека программасы буенча төзелә торган объектны тоташтыруга түләү раслады

2021 елның 4 июнендә Татарстан Республикасы Тарифлар буенча дәүләт комитеты идарәсе утырышы булып узды.

Идарә «Татарстан Республикасы Президенты каршындагы Дәүләт торак фонды» коммерциясез оешмасының социаль әһәмиятле объекты–«Казан шәһәренең Оренбург тракты урамында торак булмаган биналары белән 198 фатирлы 4 номерлы торак йорт»ны «Водоканал» муниципаль унитар предприятиесенең үзәкләштерелгән ташландык суларны агызу системасына тоташтыру мәсьәләсен карады.