Чираттагы эшлекле киңәшмә
2020 елның 10 августында Татарстан Республикасы Тарифлар буенча дәүләт комитеты рәисе урынбасары Лариса Хәбибуллина, гражданнарга өстәмә социаль ярдәм чарасы механизмын кулланып, Татарстан Республикасының Баулы муниципаль районында 2021 елда коммуналь хезмәтләр күрсәтүгә гражданнар тарафыннан кертелә торган түләү күләмен үзгәртүнең чик индексларын арттыру мәсьәләсе буенча видеоконференцэлемтә режимында эшлекле киңәшмә үткәрде. Киңәшмәдә Татарстан Республикасы Төзелеш, архитектура һәм торак-коммуналь хуҗалыгы министрлыгы, Татарстан Республикасы Баулы муниципаль районы Башкарма комитеты һәм Баулы муниципаль районы «Водоканал» МКП җайга салынулы оешмасы вәкилләре катнашты.
Киңәшмә барышында расланган чик индексларны үтәү максатларында гражданнарга өстәмә социаль ярдәм күрсәтү чараларын күрсәтү өчен максатчан яки бюджеттан тыш акчалар җәлеп итү, су белән тәэмин итү һәм ташландык суларны агызу өлкәләрендә инвестиция программасын формалаштыру буенча тиешле тәртип эшләү мәсьәләләре каралды.