Татарстан Республикасы Тарифлар буенча дәүләт комитетының БАЛАНС КОМИССИЯСЕ УТЫРЫШЫ
Бүген ТР Тарифлар буенча дәүләт комитетында видеоконференцэлемтә режимында ТР Тарифлар буенча дәүләт комитеты рәисе урынбасары Лариса Хәбибуллина рәислегендә чираттагы баланс комиссиясе утырышы узды.
Көн тәртибендә Лениногорск районында түбәндәге предприятиеләрнең финанс-хуҗалык эшчәнлеге мәсьәләләре каралды:
- кайнар һәм салкын су белән тәэмин итү, ташландык суларны агызу һәм җылылык белән тәэмин итү өлкәләрендә – «Лениногорск җылылык челтәрләре» ҖЧҖ;
- су белән тәэмин итү һәм ташландык суларны агызу өлкәләрендә – «Водоканал» ҖЧҖ;
- су белән тәэмин итү өлкәсендә – «Вода района» ҖЧҖ;
- су белән тәэмин итү һәм ташландык суларны агызу өлкәләрендә – «Бәкер» санаторие профсоюзларының дәвалау-профилактика учреждениесе»;
- җылылык белән тәэмин итү өлкәсендә – «Тәтеш җылылык челтәрләре предприятиесе» ААҖ;
- су белән тәэмин итү һәм ташландык суларны агызу өлкәләрендә – «Тәтеш-Водоканал» АҖ.
Баланс комиссиясе утырышында түбәндәге проблемалы мәсьәләләр ачыкланды: су белән тәэмин итү, ташландык суларны агызу һәм җылылык белән тәэмин итү объектларына хокук билгеләү документларын рәсмиләштерү, Тәтеш муниципаль районы оешмалары буенча финанс-хуҗалык эшчәнлеге нәтиҗәләренең начараюы.
Моннан тыш, кредит һәм дебитор бурычлары булуына җентекле анализ ясалды. Җайга салынулы оешмаларның финанс-хуҗалык эшчәнлеген яхшырту буенча йөкләмәләр һәм киңәшләр бирелде.
Баланс комиссияләре эше расланган график нигезендә дәвам итәчәк.