Үз-үзеңне изоляцияләү режимын бозган өчен Дәүләт комитеты хезмәткәрләре тарафыннан 25 беркетмә төзелде

2020 елның 13 апреле, дүшәмбе

 Татарстан Республикасы Президентының 2020 елның 6 нчы апрелендәге указы нигезендә Татарстан Республикасы Тарифлар буенча дәүләт комитеты хезмәткәрләренә Административ хокук бозулар турында РФ кодексының 20.6.1 статьясы (гадәттән тыш хәл вакытында яки аның барлыкка килү куркынычы янаганда үз-үзеңне тоту кагыйдәләрен үтәмәү) буенча беркетмәләр төзү вәкаләте бирелде.

     2020 елның 8-30 апрелендә Казан шәһәренең полиция бүлекләрендә Татарстан Республикасы Тарифлар буенча дәүләт комитетының контроль-резерв бүлеге хезмәткәрләре эшли.  8 нче апрельдән 12 нче апрельгә кадәр алар тарафыннан 25 беркетмә төзелгән. Хокук бозучылар республика территориясендә кертелгән кагыйдәләргә туры килерлек сәбәптән башка гына урамга чыккан.