Дәүләт комитеты хезмәткәрләре «Республиканың 100-еллыгына багышланаган Татарстанның тарихи-мәдәни мирасы " дигән күргәзмә белән таныштылар

2019 елның 1 апреле, дүшәмбе

29 мартта Дәүләт комитеты хезмәткәрләре ТАССРның 100 еллыгына багышланган чаралар үткәрү кысаларында ТР Милли музеенда оештырылган «Татарстанның тарихи-мәдәни мирасы" дигән күргәзмәдә булдылар. Күргәзмәдә республика иҗат берлекләре рәссамнары 120 үзенчәлекле рәсем сәнгате әсәрләре тәкъдим иттеләр. Картина сюжетлары Татарстанның мәдәни-тарихи мирасын чагылдыра һәм республиканың күренекле эшлеклеләренә багышлана.

Проект кысаларында шулай ук 2019-2020 елларда музейда сугыш батырларына һәм тыл хезмәтчәннәренә, язучылар һәм спортчыларга, галимнәргә, мәдәният, авыл хуҗалыгы һәм сәнәгать эшлеклеләренә багышланган күргәзмәләр һәм чаралар узачак.