Идарә утырышы узды

Бүген үткәрелгән Идарә утырышы көн тәртибендә эчәргә яраклы суга, техник суга һәм ташландык суларны агызуга; җылылык китерүчегә һәм җылылык энергиясенә тарифларны билгеләү; каты көнкүреш калдыкларын күмүгә 2019 елга озак сроклы тарифларны корректировкалау турында; бер кулланучыга хезмәт күрсәтүче челтәр оешмалары өчен дә, шулай ук челтәр оешмалары арасында үзара исәп-хисаплар ясау өчен дә озак сроклы индивидуаль тарифларны үзгәртү турында мәсьәләләр булды.
Идарә утырышы әгъзалары һәр мәсьәләне аерым карадылар: Дәүләт комитеты белгечләре тарифның ни рәвешле килеп чыгуын җентекләп аңлаттылар.
Дәүләт комитеты тәкъдиме белән килешмәгән оешмалар вәкилләре утырышка үзләренең дәлилләрен, тәкъдимнәрен һәм искәрмәләрен китерү өчен чакырылган иде.
Мәсәлән, «Торак-коммуналь хуҗалык предприятиесе» ИК ҖЧҖ вәкилләре башта дәүләт комитеты тәкъдим иткән 2019 елга озак сроклы тарифны үзгәртү дәрәҗәсе белән килешми иде. Әмма, дәүләт комитеты белгечләре тарафыннан тулы дәлилләр алганнан соң, оешма вәкилләре Дәүләт комитеты карарының нигезле булуын таныды, аның нигезендә 2019 елга тариф 5,1% ка киметелде.
"Татэнерго» АҖ вәкилләре дә 2019 елга «Чаллы ТЭЦ» котельный цехыннан («Татэнерго»АҖ филиалы) җиткерелә торган җылылык энергиясенә тәкъдим ителгән тарифның зурлыгы белән килешмәде. Аларның дәлилләрен карап, Дәүләт комитеты оешманың аерым кисәтүләренең нигезле булуы белән килеште. Мөрәҗәгать итүче оешма вәкилләре шулай ук Дәүләт комитеты карарының 2019 елда оешманың артык алынган керемнәрен тартып алырга дигән нигезле булуы белән килеште. Башка факторлар белән бергә, «Татэнерго» АҖ филиалы «Чаллы ТЭЦ» филиалы котельный цехыннан җылылык тарифы беренче яртыеллыкка гамәлдәге тарифка карата 7,8% ка киметелде, икенче яртыеллыкка – 2019 елның беренче яртыеллыгы белән чагыштырганда 3,6% ка үсеш белән кабул ителде.

Утырышның көн тәртибе белән тулырак биредә танышырга мөмкин: http://kt.tatarstan.ru/rus/povestki.htm

Утырыш беркетмәсе әлеге сылтама буенча урнаштырылачак: http://kt.tatarstan.ru/rus/protokoli-zasedniy-pravleniya-gosudarstvennogo.htm

Кабул ителгән карарлар, ТР Юстиция министрлыгы тикшерүеннән соң, ТР Хокукый мәгълүматның рәсми сайтында урнаштырылачак.