Бүген Килештерү комиссиясе утырышында электр челтәрләренә технологик тоташтыру өчен фаразланган ставкаларның күләмен карадылар

Бүген Килештерү комиссиясе утырышында 2019 елга Татарстан Республикасы территориясендә урнашкан челтәр оешмаларының электр челтәрләренә технологик тоташтыруга түләүне исәпләү өчен стандартлаштырылган тариф ставкаларын, максималь егәрлек берәмлеге өчен ставкаларны һәм формулаларны килештерү турындагы мәсьәлә каралды.
Тарифның фаразланган дәрәҗәсен исәпләү өчен Дәүләт комитеты белгечләре 12 Территориаль челтәр оешмасы мөрәҗәгатен карап тикшерделәр, чыгымнарның икътисади нигезлелеген һәм соңгы 3 елда факттагы чыгымнарны анализладылар.
Бухгалтерлык, статистик һәм башка документлар белән расланмаган чыгымнарны төшереп калдырып, Дәүләт комитеты тоташтырган өчен, гамәлдәге бәяләр дәрәҗәсенә 0,5% үсеш белән, С1 стандартлаштырылган тариф ставкасын билгеләргә тәкъдим итә.

Электр челтәре хуҗалыгы объектлары төзелешенә стандартлаштырылган тариф ставкасын эшләр һәм материаллар җитештерү ысулы буенча дифференциация белән билгеләргә тәкъдим ителә.

"Сетевая компания» ААҖ вәкилләре тәкъдим ителгән ставкаларны килештермәде. Аларның кисәтүләре Дәүләт комитеты исәп-хисапларына түгел, ә монополиягә каршы федераль хезмәтнең расланган Методик күрсәтмәләргә кагыла иде. Фикер алышу барышында Дәүләт комитеты рәисенең беренче урынбасары Александр Штром аларга килеп туган мәсьәләләр буенча аңлатмалар бирде. 
"Сетевая компания» ААҖ кабель линиясе төзелеше буенча барлык комплекска Бердәм ставка билгеләргә тәкъдим итте.
- Бердәм ставканы билгеләү, техник Шартларда күрсәтелгән материал характеристикалары буенча ставканы сайлау хокукын чикләп, кулланучы өчен шартлар начарайта. Дәүләт комитеты тәкъдим иткән дифференциация үтә күренмәле һәм кулланучыга аңлаешлы: ул түләү бәясенең күләмен берьюлы билгеләргә мөмкинлек бирә. Без кулланучылар шартларын начарайтуга ярдәм итә алмыйбыз, - дип белдерде Александр Штром.

Килештерү комиссиясе әгъзалары Дәүләт комитеты тәкъдимен килештерделәр. Иртәгә ул идарә утырышында каралачак.