Дәүләт комитеты РСК" ҖЧҖ нең эчә торган суны һәм калдык суларны транспортировкалауга чыгымнарын 3,1 млн.га киметте

Бүген Идарә утырышында “РСК" ҖЧҖ тарафыннан Казан шәһәре М.Гафури урамындагы 1,2,5 нче торак йортлар һәм "Микрорайон М-14" торак комплексы кулланучылары өчен 2018 елга эчә торган суны һәм калдык суларны транспортировкалауга тарифлар кабул ителде.

Гариза бирүче эчә торган суны транпортировкалауга тарифны 38,61 сум/куб.м күләмендә һәм калдык суларны транпортировкалаугы - 40,34 сум/куб.м күләмендә билгеләргә тәкъдим иткән иде. Дәүләт комитеты тарифларны сизелерлек киметеп билгеләде:  калдык суларны транпортировкалауга - 22,70 сум/куб.м. һәм эчә торган суны  транспортировкалауга 17,85 сум/куб.м.

Тарифларны кабул иткәндә Дәүләт комитеты тарафыннан киметелгән чыгымнар суммасы – 3,1 млн. сум. Тәэминатчы бу чыгымнарны икътисадый яктан дәлилли, раслый алмады.