Укучыларны ресурс белән тәэмин итүче предприятиеләрнең тарихы һәм эшчәнлеге белән таныштыра торган традицион «Җайга салучы Җайга салынучылар турында» рубрикасын дәвам иттерәбез. Бүген сезне Зәй районы оешмалары белән таныштырабыз.
Зәй районы республиканың көнчыгышында, Тукай, Сарман, Әлмәт, Түбән Кама районнары белән чиктәш. Административ үзәге – Зәй шәһәре. Бу исем Зәй гидронимыннан алынган, борынгы татарча «елга» сүзе.
Район территориясе 1842,40 кв.км тәшкил итә. Халык саны – якынча 53 мең кеше. Районда 1 шәһәр һәм 22 авыл җирлеге, алар составындагы барлыгы 86 торак пункт бар.
Район икътисадының нигезе – сәнәгать һәм авыл хуҗалыгы. Районның сәнәгать производствосы электроэнергетика тармагы тарафыннан тәкъдим ителгән: район территориясендә Идел буе төбәгендәге иң зур Зәй ГРЭСы урнашкан, ул «Татэнерго» АҖ филиалы булып тора.
Районда җылылык белән тәэмин итү хезмәтләрен «Татэнерго» АҖ, «Теплосервис» ҖЧҖ, «Зәй су каналы» ҖЧҖ күрсәтә, каты коммуналь калдыклар белән эш итү өлкәсендә ШЭ Р.Ф.Шакиров хезмәтләр күрсәтә.
«Теплосервис» ҖЧҖ Зәй районының 22 авыл җирлегендә су белән тәэмин итү хезмәтен күрсәтә (Александр Бистәсе, Аксар, Баграж, Бигеш, Бохарай, Югары Налим, Югары Шипкино, Югары Шепкә, Дуртмунча, Кадер, Түбән Биш, Яңа Спас, Поповка, Поручик, Сәвәләй, Иске Маврино, Урсай, Чыбыклы, Гулкин, Сармашбаш, Яктыкүл, Төги).
«Теплосервис» ҖЧҖнең эчәргә яраклы суын халык, бюджет һәм башка оешмалар куллана. Су белән тәэмин итү чыганагы – җир асты сулары. Оешма 49 су алу корылмасын куллана. Кулланучыларга кадәр суны транспортлау 207 км озынлыктагы суүткәргеч челтәрләр буенча башкарыла, шул исәптән алмаштыруга мохтаҗлары – 100 км. Кулланучыларга 2023 елга тарифта исәпкә алынган су сату күләме 845,5 мең куб. м тәшкил итә.
ШЭ Р.Ф.Шакиров каты көнкүреш калдыклары полигонын арендалый. Полигон 2001 елда файдалануга тапшырылган, проект сыйдырышлыгы – 69 759 тонна. 2023 елга тарифларны исәпләгәндә, Татарстан Республикасының калдыклар белән эш итү өлкәсендәге территориаль схемасы нигезендә, каты коммуналь калдыклар күләме 180,63 мең куб. м күләмендә исәпкә алынган.
Оешмалар өчен билгеләнгән тарифлар Дәүләт комитеты сайтында урнаштырылган.
Чыганак: tatfrontu. ru
https://tatarica.org/