Укучыларны ресурс белән тәэмин итүче предприятиеләрнең тарихы һәм эшчәнлеге белән таныштыра торган традицион «Җайга салучы Җайга салынучылар турында» рубрикасын дәвам иттерәбез. Бүген сезне Кама Тамагы районы оешмалары белән таныштырабыз.

Кама Тамагы муниципаль районы 1930 елның 30 августында оеша, республиканың көнбатышында – Идел һәм Кама елгалары кушылган урында урнашкан. Район Югары Ослан, Апас, Тәтеш, Спас һәм Лаеш муниципаль районнары белән чиктәш. Район территориясендә шәһәр тибындагы 3 поселок – Кама Тамагы, Куйбышев Затоны, Тәмте шәһәр тибындагы поселоклар һәм 17 авыл җирлеге урнашкан. Район территориясе 1198,8 кв.км тәшкил итә, халык саны – 16 355 кеше.

Кама Тамагы районы кулланучыларына су белән тәэмин итү һәм ташландык суларны агызу хезмәтләрен «Кама Тамагы коммуналь челтәрләре» ААҖ күрсәтә. Су белән тәэмин итү чыганагы – җир асты сулары. Предприятие су күтәртү буенча 9 артезиан скважинасына хезмәт күрсәтә. Суүткәргеч челтәрләрнең озынлыгы 45,10 км тәшкил итә. Оешма 4,4 км озынлыктагы үзәкләштерелгән ташландык суларны агызу челтәрләреннән файдалана, биологик чистарту корылмаларына хезмәт күрсәтә.

«УЮТ» МУП җылылык белән тәэмин итү, су белән тәэмин итү һәм ташландык суларны агызу хезмәтләрен күрсәтә. Предприятие балансында 143,54 км озынлыктагы 43 артезиан скважинасы, үзәкләштерелгән су белән тәэмин итү челтәрләре, биологик чистарту корылмалары, 4,27 км озынлыктагы канализация челтәрләре бар. Оешма шулай ук билгеләнгән егәрлеге сәгатенә 1,21 Гкал булган һәм тоташтырылган егәрлеге сәгатенә 1,07 Гкал булган 4 котельныйны файдалана. Җылылык белән тәэмин итү челтәрләренең озынлыгы 0,278 км тәшкил итә.

Кама Тамагы районы территориясендә каты коммуналь калдыклар белән эш итү өлкәсендәге эшчәнлекне «Полигон» ҖЧҖ башкара.

Чыганак: https://tatfrontu.ru/