Укучыларны ресурс белән тәэмин итүче предприятиеләрнең тарихы һәм эшчәнлеге белән таныштыра торган традицион «Җайга салучы Җайга салынучылар турында» рубрикасын дәвам иттерәбез. Бүген сезне Лаеш районы оешмалары белән таныштырабыз.
Лаеш муниципаль районы – Татарстан Республикасы составында территориясенең зурлыгы буенча бишенче административ оешма, 1927 елның 14 февралендә оешкан. Район Казаннан 62 км көньяк-көнчыгышка таба Куйбышев сусаклагычы ярында урнашкан. Аның территориясе 2094,43 км2 били. Халык саны 55 меңнән артык кеше тәшкил итә.
Лаеш районында су белән тәэмин итү, ташландык суларны агызу һәм җылылык белән тәэмин итү хезмәтләрен 6 оешма күрсәтә:
- «Инженерлык технологияләре» ремонт-төзелеш компаниясе» ҖЧҖ Лаеш шәһәрен һәм районның 9 авыл җирлеген су белән тәэмин итә. Хезмәт күрсәтү процессында 10 су алу җайланмасын куллана. Кулланучыларга дигән су 164,0 км озынлыктагы су челтәрләре аша китерелә. Предприятие 75 берәмлектәге коеларга һәм су алу колонкаларына хезмәт күрсәтә.
Ташландык суларны агызу процессында оешма 17,79 км озынлыктагы канализация челтәрләре буенча биологик чистарту корылмаларына көнкүреш һәм җитештерү юынты суларын ташуны гамәлгә ашыра.
Оешма тарафыннан җылылык белән тәэмин итү хезмәтләре Лаеш шәһәре һәм Габишев авылы кулланучыларына күрсәтелә. Хезмәт күрсәткәндә сәгатенә 11,83 Гкал куәте булган 10 котельный кулланыла, челтәрләрнең озынлыгы 14,2 км тәшкил итә.
- «Сокуры коммуналь челтәрләре» ҖЧҖ Сокуры авыл җирлеге территориясендә су белән тәэмин итү хезмәтләрен күрсәтә. Кулланучыларга су бирү 5 су алу җайланмасыннан 25,30 км озынлыктагы суүткәргеч челтәрләр буенча башкарыла.
Оешма Комлы Кавал һәм Габишев авыл җирлекләрендә ташландык суларны агыза. Хезмәт күрсәтү процессында 1 канализация станциясе кулланыла, канализация челтәрләренең озынлыгы – 17,7 км.
- «Коммуналь сервис» ҖЧҖ Лаеш муниципаль районы оешмаларыннан алынган суларны транспортлауны гамәлгә ашыра. Канализация челтәрләренең озынлыгы 9,68 км тәшкил итә.
- «Су белән тәэмин итү һәм канализация үзәге» ҖЧҖ Комлы Кавал, Орлов, Атабай, Олы Кабан, Хәерби, Макаровка, Нармонка, Никольский, Рождествено, Столбище, Татар Сараланы, Габишев авыл җирлекләрен су белән тәэмин итә. Предприятие хезмәт күрсәткәндә 13 су алу җайланмасы кулланыла. Кулланучыларга су бирү 122,59 км озынлыктагы суүткәргеч челтәрләр буенча башкарыла.
Оешма районның 3 авыл җирлеге территориясендә ташландык суларны агызу хезмәтен күрсәтә һәм 2 чистарту корылмасыннан һәм 38,66 км озынлыктагы канализация челтәреннән файдалана.
- «Казан» халыкара аэропорты» акционерлык җәмгыяте тарафыннан су белән тәэмин итү үз җир асты суларын алып башкарыла. Су алу җайланмасы төзелештән ирекле мәйданда урнашкан. Су алу корылмасы составында 4 скважина (2 – эшли торган, 2 – резервта), 2 чиста су резервуары, насос станциясе бар. Су алу корылмасының эш режимы – тәүлек буе. Суүткәргеч челтәрләренең озынлыгы 8,96 км тәшкил итә.
Предприятие ташландык суларны агызу процессында өч чистарту корылмасыннан файдалана. Предприятиенең канализация челтәрләренең озынлыгы 35,18 км тәшкил итә.
- «Нармонка коммуналь сервисы» ҖЧҖ җылылык белән тәэмин итү буенча хезмәт күрсәтә. Хезмәт күрсәтү процессында билгеләнгән куәте сәгатенә 1,71 Гкал булган 8 котельныйны куллана, челтәрләрнең озынлыгы 0,348 м тәшкил итә.
Чыганак: tatcenter.ru