Укучыларны ресурс белән тәэмин итүче предприятиеләрнең тарихы һәм эшчәнлеге белән таныштыра торган традицион «Җайга салучы Җайга салынучылар турында» рубрикасын дәвам иттерәбез. Бүген сезне Балтач районы оешмалары белән таныштырабыз.
Балтач районы безнең республиканың төньягында урнашкан, Россиянең Киров өлкәсе, Марий Эл Республикасы белән чиктәш. Район 1930 елда ТАССРның административ оешмасы буларак буларак оештырыла. 1963 елда аны Арча районына кушалар, ә ике елдан соң Балтач шәһәр тибындагы поселогындагы үзәк белән яңадан торгызалар. Территория 1094 квадрат километр тәшкил итә, халык саны – 34 меңнән артык.
Балтач районының ресурс белән тәэмин итүче оешмалары булып «Балтач ТКХ КҖП» АҖ, «Чепья ТКХ КҖП» ҖЧҖ һәм «Идарә» ҖЧҖ тора.
«Балтач ТКХ КҖП» АҖнең эчәргә яраклы суын Балтач муниципаль районының Балтач ш.т.п., Борбаш, Карадуган, Кече Лызи, Норма һәм Яңгул авыл җирлекләре халкы, бюджет һәм башка оешмалар куллана. Су белән тәэмин итү чыганагы – җир асты сулары. Предприятие балансында 53 артезиан скважинасы булган 28 су алгыч, Рожновский системасы суэтем манаралары, 54 насос, 134,7 км озынлыктагы үзәкләштерелгән су белән тәэмин итү челтәрләре бар.
Ташландык суларны агызу хезмәтләрен оешма Балтач ш.т.п. һәм Норма авыл җирлегендәге халыкка, бюджет һәм башка кулланучыларга күрсәтә.
Предприятие балансында 3 канализация насос станциясе, биологик чистарту корылмалары, 11,7 км озынлыктагы канализация челтәрләре бар, шул исәптән: басымлы – 3,7 км, басымсыз – 8 км.
«Чепья ТКХ КҖП» ҖЧҖ 8 артезиан скважинасыннан тирән насослар ярдәмендә җир асты чыганакларыннан су күтәрә. Суны кулланучыларга илтү 43 км озынлыктагы суүткәргеч челтәрләр буенча башкарыла. Предприятие 80 берәмлектәге коеларга һәм су алу колонкаларына хезмәт күрсәтә.
«Идарә» ҖЧҖ салкын су белән тәэмин итү хезмәтләрен күрсәтә. Эчәрлек су чыганагы – җир асты сулары. Суүткәргеч челтәрләрнең гомуми озынлыгы 8,5 км тәшкил итә.
Балтач районы территориясендә каты коммуналь калдыклар белән эш итү өлкәсендәге эшчәнлекне «Благоустройство» ҖЧҖ башкара.
Чыганак: tatfrontu.ru