Укучыларны ресурс белән тәэмин итүче предприятиеләрнең тарихы һәм эшчәнлеге белән таныштыра торган традицион «Җайга салучы Җайга салынучылар турында» рубрикасын дәвам иттерәбез. Бүген сезне Мамадыш районы оешмалары белән таныштырабыз.

Мамадыш районы Татарстанда иң эре районнарның берсе санала. Аның мәйданы 2 600 кв. км, ә халык саны – якынча 42 мең кеше. XII гасырда район урынында «Ак кирмән» бистәсе урнашкан була, ә хәзерге чикләрне Мамадыш районы 1930 елда булдырган. Район составында 1 шәһәр һәм 29 авыл җирлеге бар. Административ үзәге – Мамадыш шәһәре.

Көнчыгышта Мамадыш районы – Алабуга районы белән, көньякта – Түбән Кама һәм Чистай, көнбатышта – Теләче һәм Саба, төньякта – Кукмара районнары, төньяк-көнчыгышта Удмуртия белән чиктәш. Районның табигый чиге – көнчыгышта Нократ елгасы,көнбатышта – Кама елгасы. Мамадыш районының хәле икътисадый-географик яктан уңайлы. Нократ һәм Кама елгалары буйлап суднолар йөреше, Казан - Чаллы автомагистрале ерак һәм якын төбәкләр белән икътисадый мөнәсәбәтләргә уңай йогынты ясый. Казанга кадәр ераклык – 167 км, Чаллыга кадәр – 87 км, Кукмарага кадәр – 80 км. 

Мамадыш шәһәре һәм Красная Горка авыл җирлеге территориясендә су белән тәэмин итү хезмәтен «Мамадыш су каналы» АҖ күрсәтә.

«Мамадыш су каналы» акционерлык җәмгыятенең артезиан скважиналарыннан чыгарыла торган җир асты сулары су белән тәэмин итү чыганагы булып тора. Суны күтәрү 24 берәмлек насос ярдәмендә башкарыла. Оешма балансында 20 артезиан скважинасыннан торган 3 су алу җайланмасы бар. 12 скважинаның тирәнлеге – 150 м, 8 скважинаныкы – 110 м, 3 скважинаныкы – 70 м. Кулланучыларга дигән су туплана торган савыттан 146,0 км озынлыктагы су челтәрләре аша үз агымы белән китерелә. Алмаштыруга мохтаҗ челтәрләрнең озынлыгы 55 км. 2023 елга эчәргә яраклы суны сату күләме 543 мең куб. м күләмендә кабул ителгән.

«Җирлекләргә хезмәт күрсәтү үзәге» ҖЧҖ районның 28 авыл җирлегендә (Албай, Югары Ушма, Дүсмәт, Ишки, Катмыш, Көмешкүл, Келәүш, Красная Горка, Көек-Ерыкса, Кече Кирмән, Түбән Ушма һ.б.) су белән тәэмин итү хезмәтен күрсәтә.

Су белән тәэмин итү чыганагы – җир асты сулары. Предприятиегә 28 артезиан скважинасы һәм торак пунктларда урнаштырылган каптаж чишмәләре хезмәт күрсәтә. Насослар су башнясы куышлыгына 80 м тирәнлектән су күтәрәләр, аннан су суүткәргеч челтәренә керә. Кулланучыларга дигән су 341,62  км озынлыктагы су челтәрләре аша китерелә. Алмаштыруга мохтаҗ булган челтәрләрнең озынлыгы 150 км тәшкил итә, 2023 елга эчәргә яраклы су сату күләме – 693,35 мең куб метр.

Мамадыш шәһәре һәм Красная Горка авыл җирлегенең үзәкләштерелгән ташландык суларны чистарту һәм утильләштерү системасыннан чистарту корылмаларына су чыгаруны «Мамадыш су каналы» АҖ гамәлгә ашыра.  Мамадыш шәһәренең канализация челтәрләренең озынлыгы 31,00 км тәшкил итә, шуларның 20,3 км – канализациянең үзлектән агучы коллекторлары, 4,2 км – басымлы магистраль коллекторы. 

2023 елга тарифта исәпкә алынган суларның күләме 271 мең куб.м тәшкил итә.

Чыганак: https://mamadysh.tatarstan.ru/about.htm