Укучыларны җайга салынулы предприятиеләрнең тарихы һәм эшчәнлеге белән таныштыра торган традицион «Җайга салучы Җайга салынучылар турында» рубрикасын дәвам иттерәбез.

Минзәлә муниципаль районы Татарстан Республикасының төньяк-көнчыгыш өлешендә, Башкортстан һәм Удмуртия чикләреннән ерак түгел, Татарстан башкаласы Казаннан 290 километр ераклыкта Кама елгасының сул ярында урнашкан. Административ үзәге – Минзәлә шәһәре.

Башта район урынында рус укчыларының форпосты урнашкан була. Хәзерге район 1930 елда оеша. Минзәлә районы Бөек Ватан сугышы елларында биредә Советлар Союзы Герое, шагыйрь Муса Җәлил яшәве белән билгеле.

Минзәлә муниципаль районында 1 шәһәр һәм 19 авыл җирлеге һәм алар составындагы 70 торак пункт бар. 2020 ел башына Минзәлә районында 27 686 кеше яши.

Ресурслар белән тәэмин итүче оешма булып «Минзәлә районы коммуналь челтәрләре» АҖ тора. Оешма 2006 елда төзелгән һәм җылылык белән тәэмин итү, су белән тәэмин итү һәм ташландык суларны агызу хезмәтләрен күрсәтә.

Оешма тарафыннан түбәндәгеләр эксплуатацияләнә:

- билгеләнгән куәте сәгатенә 7,39 Гкал булган 123 котельный;

- 5,2 км озынлыктагы җылылык челтәрләре (ике трубалы исәпләнештә).

2023 елга тарифларда исәпкә алынган кулланучыларга җибәрелә торган файдалы җылылык энергиясе күләме 34 334 Гкал тәшкил итә.

Су белән тәэмин итү хезмәтләрен күрсәткәндә «Минзәлә районы коммуналь челтәрләре» АҖ түбәндәгеләрне эксплуатацияли:

- 1 су алу корылмасы (скважина)

- 84,2 км озынлыктагы суүткәргеч челтәрләр.

2023 елга тарифта исәпкә алынган кулланучыларга су җибәрү күләме 471,1 мең куб.м тәшкил итә.

Ташландык суларны агызу хезмәте күрсәткәндә түбәндәгеләр файдаланыла:

- чистарту корылмалары;

- 2 канализация насос станциясе;

- 74 км озынлыктагы канализация челтәрләре.

2023 елга тарифта исәпкә алынган  агынты сулар күләме 182,8 мең куб.м тәшкил итә.

«Минзәлә районы коммуналь челтәрләре» АҖ материаллары буенча