Укучыларны җайга салынулы предприятиеләрнең тарихы һәм эшчәнлеге белән таныштыра торган традицион «Җайга салучы Җайга салынучылар турында» рубрикасын дәвам иттерәбез.
«Железнодорожник» җаваплылыгы чикләнгән җәмгыяте «КАМГЭСЭНЕРГОСТРО» автохуҗалыгы составында тимер юл участогыннан эшли башлый. Әлеге участокны булдыру Түбән Кама ГЭСы һәм Зәй ГРЭСы төзелешенең башлануына бәйле була. 1967 елның 1 апреленнән тимер юл участогы аерым бүлекчә итеп оештырыла, һәм 40 ел инде «Железнодорожник» ҖЧҖ «Россия тимер юллары» ААҖ белән Чаллы шәһәрендә йөк алучылар арасында тоташтыручы звено булып тора.
«Железнодорожник» ҖЧҖ эшләгән чорда берничә тапкыр үзгәртеп корыла һәм исемен үзгәртә.
«Железнодорожник» ҖЧҖ 90 км тимер юлга хезмәт күрсәтә. Юридик, физик затлар һәм шәхси эшкуарлар белән эшләүгә зур игътибар бирелә. Үз хезмәтләрен күрсәткәндә предприятие озак вакытлы, үзара файдалы хезмәттәшлек принцибына таяна. Килешү нигезендә «Железнодорожник» ҖЧҖ хезмәтләреннән йөздән артык йөк алучы файдалана, алар арасында шәһәрнең тормыш тәэмин итү өчен әһәмиятле объектлары да бар: «НП КБК им. Титов» ФП ЯАҖ, «ГК НЧ ТЭЦ» ААҖ, «Камснаб» ААҖ, «КамгэсЗЯБ» ҖЧҖ, «Чаллы элеваторы» ААҖ, «Гравзавод» ААҖ һәм башкалар.
Вакыт таләпләре белән бергә бару, базар икътисадының кырыс шартларында икътисадый тотрыклылыкны тәэмин итү өчен «Железнодорожник» ҖЧҖ коллективында җитештерү эшчәнлегенең нәтиҗәлелеген һәм сыйфатын күтәрүгә йогынты ясый торган техник һәм оештыру алымнары өзлексез камилләштерелә. Предприятие икътисадын яхшырту күрелә торган барлык чаралар нигезендә пассажирлар йөртү күләмен арттырырга, күп кенә проблемаларны хәл итәргә мөмкинлек бирә. Ел саен тимер юлларны ремонтлау максатларына күбрәк акча юнәлтелә. Ремонт базасы да үсә, булган техника картая барган саен аның роле арта бара.
Предприятиенең төп бурычы – «Россия тимер юллары» ААҖ йөкләрне кабул итү һәм килә торган йөкләрне алучыга кадәр илтеп җиткерү. Коллективның төгәл һәм көйле эшләве нәтиҗәсендә Чаллы төзелешенә һәм аның башка объектларына миллионлаган тонна төрле мөһим йөк китерелә.
2022 елның апрелендә предприятие үзенең 55 еллык юбилеен билгеләп үтте.
Чыганак: www.prominf.ru