Укучыларны хәзерге заман торак-коммуналь хуҗалык предприятиеләренең тарихы һәм эшчәнлеге белән таныштыра торган традицион «Җайга салучы Җайга салынучылар турында» рубрикасын дәвам итерәбез. Шуларның берсе – «Гринта» ҖЧҖ.
«Гринта» компаниясе 2016 елның 15 мартында оеша. Калдыклар белән эш итү өлкәсендә ике ел эшләгәннән соң, җәмгыять Татарстан Республикасының көнчыгыш зонасында региональ операторны сайлап алу конкурсында җиңүче була. Татарстан Республикасы Төзелеш, архитектура һәм торак-коммуналь хуҗалыгы министрлыгы белән Татарстан Республикасының көнчыгыш зонасында каты коммуналь калдыклар белән эш итү буенча региональ оператор эшчәнлеген гамәлгә ашыру турында төзелгән № 57 килешү кысаларында 2018 елның 22 августында «Гринта» ҖЧҖ 10 еллык чорга Региональ оператор статусы бирелә.
Компаниянең җаваплылыгы зонасында 23 муниципаль район, 1 миллион 923 мең кеше, 53 мең юридик зат бар. Көн саен линиягә 165 берәмлек махсус техника чыга, алар калдыкларны территориаль схема буенча 2 чүпне сортлау комплексына һәм 17 полигонга чыгара. Ел саен 750 мең тоннага якын каты коммуналь калдык чыгарыла.
Региональ оператор статусында эшли башлаганнан бирле «Гринта» каты коммуналь калдыклар белән эш итү инфраструктурасын актив яңарта. Бүгенге көндә 9280 заманча евроконтейнер сатып алынган. Алар зур сыйдырышлылыгы, санитар эшкәртүнең җиңеллеге, коррозиягә дучар булмавы белән аерылып торалар. Контейнерлар явым-төшемнән, хайваннардан һәм исләрдән якланган.
Яңа чүп машиналары да сатып алына. Агымдагы көнгә 126 берәмлек сатып алынган. Татарстанның көнчыгыш зонасында яшәүчеләр яңа махсус техниканың эстетик тышкы кыяфәтеннән тыш, каты коммуналь калдыкларны чыгару буенча сервисның сыйфаты яхшыруын да билгеләп үтәләр. Яңа чүп машиналары җыйнак. Алар шактый җиңел һәм тукталган машиналар белән тулган ишегалларыннан җиңелрәк үтәләр. Бу исә калдыкларны вакытында чыгару өчен бик мөһим булып тора. Яңа техниканың төяү вакытында бастыруның югары дәрәҗәле коэффициентына ия, бу исә бер чүп машинасына күбрәк ишегалдына хезмәт күрсәтергә мөмкинлек бирә.
«Гринта» барлыкка килгәнче күп кенә авыллар һәм салалар чүп ташучыларны бөтенләй күрмәгән иде. Хәзер калдыкларны чыгару график буенча хәтта иң ерак торак пунктларда да гамәлгә ашырыла. Шулай итеп, коммуналь хезмәтләр күрсәткән халыкның өлеше 100% җитте.
«Гринта»ның инвестиция программасы буенча чүп төяп-бушату станцияләре (МПС) төзелә. Мондый беренче объект 2022 елның августында Мамадыш районында ачылды. Мамадыш полигоны ябылганнан соң, һәр чүп машинасына көнгә берничә тапкыр йөкне күрше районга алып барырга туры килгән. МПС ярдәмендә транспортлау чыгымнарын оптимальләштереп кенә калмыйча, кайбер авыл җирлекләрендә чыгу вакытын арттыру турында халык мөрәҗәгатьләрен дә канәгатьләндерү мөмкин булган.
Компания хезмәт күрсәтүнең бөтен территориясендә киң күләмле мәгълүмати һәм экоагарту эшен җәелдерде: эре шәһәрләрдән алып кечкенә авыл җирлекләренә кадәр. Белгечләр бер үк вакытта дүрт юнәлештә: балалар бакчалары, мәктәпләр, югары уку йортлары һәм көллиятләр, шулай ук җәмәгатьчелек белән эшлиләр.
Балалар өчен әйләнә-тирә мохитне саклау темасына төрле конкурслар, тематик бәйрәмнәр үткәрәләр. Балалар бакчаларында тәрбияләнүчеләр өчен «Гринта» махсус рәвештә экологик буяу-әлифбасын бастырып чыгарды.
2020 елдан башлап җәмгыять Татарстан мәктәпләрендә даими рәвештә ачык дәресләр үткәрә. Дәреснең нигезе – эшлекле уен. Укучылар дәрес барышында артык чүп-чар проблемасын дөрес хәл итүгә мөстәкыйль якын киләләр. Мондый уку формасы типик лекцияләрдән аерылып тора. Уен искиткеч тәэсирләр калдыра, мәгълүмат яхшырак истә кала.
Бүгенге көндә 5 меңнән артык бала шундый дәресләрдә укыган.
Регоператор мәктәп өмәләрен оештыруда да катнаша. Балалар өчен викоториналар һәм уеннар оештырыла. Шуңа күрә чүп-чарны чистарту күпкә кызыклырак була һәм күңелле хисләр генә калдыра.
Россия Табигать министрлыгы ярдәме белән, компания балалар өчен «Калдыклар ни өчен кирәк» дигән уку ярдәмлеген дә чыгарды. 5-10 яшьлек балалар өчен исәпләнгән бу уникаль басма эш дәфтәре форматында башкарылган. Анда бик күп рәсемнәр, файдалы мәгълүмат, хәтта мультфильмнар һәм видеолар өчен сылтамалар да бар. Һәр бит ахырында алган белемнәрне ныгыта торган өй эше бар.
Шунысын да билгеләп үтәргә кирәк, «Гринта» ҖЧҖ Россиянең иң яхшы 10 региональ операторы ТОП-10 исемлегенә керде. Бәяләүнең төп критерийлары халыкның хезмәт күрсәтү сыйфаты белән канәгать булу дәрәҗәсе һәм экологик агартуга өлеш кертү иде.