ТР Тарифлар буенча дәүләт комитеты Азнакайда җылылык челтәрләрен модернизацияләү мониторингын үткәрде
ТР Тарифлар буенча дәүләт комитеты белгечләре «Азнакай ПТС» АҖнең инвестицион программасын гамәлгә ашыруга күчмә мониторинг үткәрделәр. Азнакайда 1 км га якын җылылык һәм кайнар су челтәрләрен яңарталар.
Мониторинг Сәйдәшев урамындагы ике объектны колачлады. 500 метрдан артык озынлыктагы беренче участокта эшләр тәмамланган инде. Белгечләр шулай ук 2025 елда гамәлгә ашырылган объектлар буенча документларны тикшерделәр.
400 метрга якын озынлыктагы икенче участокта модернизация дәвам итә. Хәзер белгечләр җылылык камералары урнаштыра һәм челтәрләрне торак йортларны тоташтыруга әзерли.
Киләсе этапта иске җир өсте торбаүткәргечне сүтәләр, ә яңа челтәрләрне җир астында салалар. Эшләр тәмамланганнан соң территорияне төзекләндерәчәкләр.
Чаралар «Таткоммунэнерго «РПО» АҖнең гомуми инвестиция программасы кысаларында гамәлгә ашырыла. Инфраструктураны яңарту Азнакай халкын җылылык һәм кайнар су белән тәэмин итүнең ышанычлылыгын арттырырга ярдәм итәчәк.
Фоторепортаж