Лариса Хәбибуллина Сарман районына эш визиты белән килде
Татарстан Республикасы Тарифлар буенча дәүләт комитеты рәисенең беренче урынбасары Лариса Хәбибуллина эш визиты белән Сарман муниципаль районында булды. Сәфәр кысаларында ул Җәлил бистәсендә гражданнарны кабул итте һәм коммуналь инфраструктура объектларының торышы белән танышты.
Гражданнарны кабул иткәндә бистәдә яшәүче хатын салкын һәм кайнар су белән тәэмин итүнең бәясе турында сорау бирде. Аңа салкын суга һәм ташландык суларны агызуга тариф су бирүгә, челтәрләрне карап тотуга һәм ремонтлауга кирәкле чыгымнарны үз эченә алуын аңлаттылар. Кайнар су бәясе салкын су бәясен һәм аны җылыту чыгымнарын үз эченә ала.
Эш сәфәре кысаларында Лариса Хәбибуллина Җәлил бистәсендәге блок-модуль котельныйларда, җылылык челтәре объектларында, су чистарту корылмаларында һәм биологик чистарту корылмаларында булды. Муниципаль район һәм ресурслар белән тәэмин итүче оешма вәкилләре объектларның агымдагы торышы һәм башкарыла торган эшләр турында сөйләделәр.
2026 елда бистәдә коммуналь инфраструктураны модернизацияләү буенча чаралар гамәлгә ашырыла. Җылылык белән тәэмин итү өлкәсендә Җиңүнең 30 еллыгы урамында һәм Әхмәдиев урамы буенча 1 нче йорттан җылылык камерасына кадәр җылылык челтәрләре һәм кайнар су челтәрләре участокларын яңарту каралган. Чараларның гомуми бәясе 3,7 млн сумнан артык.
Агымдагы елда су агызу өлкәсендә биологик чистарту корылмаларына аэротенокның аэрацион системасын алыштыру өлешендә ремонт ясала. Чараны гамәлгә ашыруга 1,5 млн сумнан артык акча каралган.
Эш сәфәре йомгаклары буенча Лариса Хәбибуллина коммуналь инфраструктураны модернизацияләү буенча чараларның барышы белән танышты һәм район вәкилләре белән җылылык, су һәм су чыгару объектларын киләчәктә үстерү мәсьәләләре турында фикер алышты.