Рәсәй Дәүләт Думасына депутатлар сайлаулары 18, 19 һәм 20 сентябрьдә узачак

2026 елның 13 августы, пәнҗешәмбе

Нәрсә белергә кирәк:

• Сайлау участоклары 8:00 дән 20:00 гә кадәр ачык булачак.
• Бу көннәрдә шулай ук Татарстан Дәүләт Советы депутатын өстәмә сайлаулар һәм республиканың 40 районында җирле үзидарә органнары депутатларын өстәмә сайлаулар узачак.
• Татарстанлылар уңайлы сайлау участогын «Мобиль сайлаучы» сервисы аша сайлый ала. Бу тавыш бирү көннәрендә башка шәһәрдә яки районда булучылар өчен бигрәк тә актуаль. Гаризаны 3 августтан 14 сентябрьгә кадәр РФ Дәүләт хезмәтләре порталы аша, КФҮ яки территориаль сайлау комиссиясе офисында бирергә мөмкин.
• Сайлау участокларында киртәсез мохит булдыру буенча эш алып барыла. Өлкән яшьтәге һәм аз хәрәкәтләнүче гражданнарга ярдәмне волонтерлар күрсәтәчәк.
• Шулай ук ​​сайлау участоклары кресло-коляскалар кулланучы гражданнарга уңайлы булсын өчен киң уемлы махсус кабиналар белән җиһазландырылачак. Күрү сәләте бозылган сайлаучылар өчен рельефлы-нокталы Брайль шрифты белән трафаретлар каралган, ишетү сәләте бозылган кешеләр «Хезмәт-112» видеоэлемтә системасы аша ишарәләр теленнән тәрҗемәче хезмәтләреннән файдалана алачак.