Татарстан Республикасы транспортында тарифларны җайга салуның яңартылган тәртибе буенча семинар
Татарстан Республикасы Тарифлар буенча дәүләт комитеты 2026 елгы тариф кампаниясенә әзерлек кысаларында «Транспорт өлкәсендә тарифларны җайга салуның төп аспектлары» темасына практик семинар оештырды, ул дистанцион рәвештә видеоконференцэлемтә режимында узды.
Семинарга хакимият органнары вәкилләре, транспорт комплексы белгечләре һәм тармак экспертлары җыелды.
Чарада мөһим темалар җентекләп каралды: Татарстан Республикасы территориясендә автомобиль һәм шәһәр җир өсте электр транспортында даими рәвештә пассажирлар йөртүгә һәм багаж ташуга җайга салына торган тарифлар билгеләү тәртибенә кертелгән соңгы үзгәрешләр җентекләп анализланды (Татарстан Республикасы Тарифлар буенча дәүләт комитетының 2019 елның 07 июнендәге 7-1/т номерлы карары белән расланган).
Катнашучылар транспорт компанияләренең тарифны дөрес исәпләү һәм халыкка күрсәтелә торган хезмәтләрнең сыйфатын яхшырту өчен кирәкле җитештерү программаларын тутыруга кагылышлы яңа таләпләргә карата җентекле аңлатмалар алдылар.
Семинар тарифларны дәүләт тарафыннан җайга салу системасын камилләштерүгә юнәлдерелгән.