Мәскәүдә Россиянең төп су форумы уза
Мәскәүдә 8-10 апрельдә IX Бөтенроссия су конгрессы һәм Россиянең VODEXPO-2025 төп су хуҗалыгы күргәзмәсе уза.
Бөтенроссия су конгрессы 2017 елдан илнең төп су форумы булып тора. Чара Россия Федерациясе Президентының «Россия Федерациясендә Экология елын үткәрү турында» 05.01.2016 ел, № 7 Указы белән игълан ителгән Россиядә Экология елы кысаларында гамәлгә куелган.
Форум ел саен РФ Президентының табигатьне саклау эшчәнлеге, экология һәм транспорт мәсьәләләре буенча махсус вәкиле Сергей Иванов, РФ Федераль Җыены Федерация Советы һәм РФ Хөкүмәте кушуы буенча уза. Конгрессның максаты – су ресурсларын комплекслы куллану, су хуҗалыгы комплексын тотрыклы үстерү, Илнең су фондын саклау һәм савыктыру буенча берләштерелгән чишелешләрне формалаштыру өчен барлык мәнфәгатьле министрлыкларны, ведомстволарны һәм су куллану тармакларын бер мәйданчыкта берләштерү.
Бөтендөнья су конгрессының максаты – тәҗрибә уртаклашу, дискуссияләргә ярдәм итү һәм бөтен дөнья буенча су фәннәре өлкәсендә яңа белемнәр, тикшеренүләр һәм эшләнмәләр нәтиҗәләрен тәкъдим итү өчен очрашу урыны бирү.
Су форумы кысаларында "Су белән тәэмин итү һәм ташландык суларны агызу өлкәсендә тариф сәясәте. Нәрсә булды, нәрсә булачак..." темасына секция утырышы булды.
Су конгрессының тариф секциясендә Татарстан Республикасы Тарифлар буенча дәүләт комитеты рәисенең беренче урынбасары Лариса Хәбибуллина чыгыш ясады. Чыгыш су белән тәэмин итү һәм ташландык суларны агызу өлкәсендә инвестиция эшчәнлеген үстерү перспективаларына багышланган иде.