Сергей Павлов Югары Ослан районына эш визиты белән килде
Татарстан Республикасы Тарифлар буенча дәүләт комитеты рәисе урынбасары Сергей Павлов эш визиты белән Югары Ослан муниципаль районында булды.
Сәфәрнең төп максаты – тарифларны җайга салуның актуаль мәсьәләләре һәм җирле коммуналь инфраструктураның торышын бәяләү.
Визит программасы Югары Ослан авылының Автоюл урамындагы котельныйдан башланды. Анда "РПО Таткоммунэнерго" АҖ участогы башлыгы Александр Яковлев белән нәтиҗәле очрашу булды. Фикер алышу барышында объект эшчәнлегенең төп аспектларына, шул исәптән җиһазларның агымдагы торышына, технологик тоташтыруның катлаулылыгына һәм районның коммуналь хуҗалыгын үстерү планнарына да кагылдылар.
Шуннан соң делегация су белән тәэмин итү системасының торышын бәяләү өчен Студенец авылына су алу корылмасына китте. Алга таба программага Пустые Моркваши авылында һәм Иннополис шәһәрендә котельныйларда булу, шулай ук Иннополиста су чистарту корылмаларын карау кертелгән иде. "ЗВКС" АҖ башлыгы Альберт Гарифуллин әлеге объектларның эше турында мәгълүмат бирде һәм алга таба камилләштерү өчен өстенлекләрне билгеләде.
Визитның мөһим этабы булып җирле халык белән очрашу булды, алар коммуналь түләүләрне исәпләүгә, җылылык энергиясенә тарифларны исәпләүгә һәм башка мөһим темаларга кагылышлы үзләрен кызыксындырган сорауларны бирә алдылар. Халык хакимият вәкилләре белән турыдан-туры сөйләшү мөмкинлеген югары бәяләде, мондый очрашулар проблемаларны оператив хәл итүгә һәм күрсәтелә торган хезмәтләрнең сыйфатын яхшыртуга ярдәм итә, дип билгеләп үтелде.
Сергей Павлов халык сорауларына оператив җавап бирергә һәм тариф сәясәтен формалаштырганда кешеләрнең реаль ихтыяҗларын исәпкә алырга мөмкинлек бирә торган гражданнарны даими рәвештә кабул итү чарасының мөһимлеген ассызыклады.
Коммуналь инфраструктура объектларын мониторинглау нәтиҗәләрен Дәүләт комитеты экспертлары 2025 елга тариф карарларын эшләгәндә файдаланачак. Мондый алым һәр торак пунктның үзенчәлекләрен исәпкә алырга мөмкинлек бирәчәк һәм төбәктә торак-коммуналь хуҗалык өлкәсен баланслы үстерүне тәэмин итәчәк.