Россиянең Монополиягә каршы федераль хезмәте җылылык белән тәэмин итү, су белән тәэмин итү һәм ташландык суларны агызу өлкәсендә гамәлдәге законнарга үзгәрешләр әзерләгән

Документ җылылык белән тәэмин итү, су белән тәэмин итү һәм ташландык суларны агызу өлкәләрендә эшчәнлек алып баручы оешмалар тарафыннан тарифлар билгеләү турында тәкъдим бирү процессын унификацияләүгә һәм цифрлаштыруга юнәлдерелгән.

Ә атап әйткәндә:

•  тарифларны билгеләү турында гаризаның структурасы, шулай ук аны «Тарифларны җайга салуның бердәм мәгълүмати-аналитик системасы» ФДМС Россия МКФХ раслый торган бер төр форма нигезендә электрон рәвештә формалаштыру билгеләнә;

•  тарифлар билгеләү турында гариза җибәргәндә оешмаларга карата законнарда булган таләпләрне бертөрлелеккә китерү күздә тотыла.

Тәкъдим ителә торган үзгәрешләр оешмалар тарафыннан тарифларны нигезләү өчен барлык кирәкле белешмәләрне бирүне тәэмин итәчәк, бу исә җайга салу органнары тарафыннан тиешле гаризаны карау вакытын кыскартачак һәм җитмәгән белешмәләрне бирү максатларында өстәмә гаризалар санын киметәчәк, шулай ук тарифларны җайга салу процессын гадиләштерергә ярдәм итәчәк, бу оешмалар эшчәнлегенә дә, җайга салу органнары эшчәнлегенә дә уңай йогынты ясаячак.

Карар проекты гавами фикер алышу өчен сайтта урнаштырылган: https://regulation.gov.ru/