РФ Энергетика министрлыгы карарга төзәтмәләр әзерләде
Россия Федерациясе Энергетика министрлыгы тарафыннан Россия Федерациясе Хөкүмәтенең «Электр энергиясен ваклап сату базарлары эшчәнлеге, электр энергиясен куллану режимын тулысынча һәм (яисә) өлешчә чикләү турында» 2012 елның 4 маендагы 442 номерлы карары белән расланган Электр энергиясен ваклап сату базарлары эшчәнлегенең төп нигезләмәләренә үзгәрешләр әзерләнгән.
Проектта гарантия бирүче тәэмин итүчеләр тарафыннан электр энергиясен кулланучыларга хезмәт күрсәтү сыйфатының бер төр стандартын расларга һәм гарантия бирүче тәэмин итүчеләрнең кулланучыларга хезмәт күрсәтү сыйфатын яхшырта торган нигезләмәләрне өстәмә рәвештә үз эченә ала торган хезмәт күрсәтү сыйфаты стандартларын эшләү һәм раслау бурычын билгеләргә тәкъдим ителә.
Шулай ук документ проектында төгәлләштерү нигезләмәләре дә карала:
- электр энергиясен ваклап сату базарларында электр энергиясен куллану һәм җитештерү күләмнәрен, электр энергиясен тапшыру буенча күрсәтелгән хезмәтләрне һәм электр энергиясен югалтуларны түгәрәкләү тәртибе билгеләнә;
- электр энергиясенең (егәрлегенең) һәм аны тапшыру буенча хезмәт күрсәтүләрнең күләмнәре тиешле китерү ноктасына карата тиешле исәп-хисап чорында күрсәтелгән китерү ноктасындагы файдалы җибәрү күләменә туры килергә тиеш, әгәр аларның туры килмәве ачыкланса, тиешенчә яңадан исәпләү үткәрелергә тиеш дигән норма беркетелә;
- дөрес булмаган бәяләр (тарифлар) кулланганда хаталар ачыкланганда электр энергиясе (егәрлеге) һәм аны тапшыру хезмәтләре бәясен яңадан исәпләү тәртибе билгеләнә.
Карар проектында эшкуарлык һәм башка икътисадый эшчәнлекне гамәлгә ашыруга бәйле һәм аларның үтәлешен бәяләү дәүләт контроле (күзәтчелеге) кысаларында, аерым алганда электр энергетикасында дәүләт тарафыннан җайга салына торган бәяләргә (тарифларга) дәүләт контроле (күзәтчелеге) кысаларында гамәлгә ашырыла торган таләпләр бар.