«Балалар күзлегеннән тарифлар» конкурсында җиңүчеләрне бүләкләү тантанасы узды
Сезнең игътибарга «Балалар күзлегеннән тарифлар» балалар конкурсына йомгакларны тәкъдим итәбез. Ведомствоның Телеграм-каналында тавыш бирү нәтиҗәләре буенча һәр яшь категориясе буенча җиңүчеләр, шулай ук тамашачылар симпатиясе призы җиңүчесе билгеләнде, аның эше безнең "Вконтакте" альбомында максималь күләмдә лайк җыйды.
Конкурс түбәндәге максат белән үткәрелде:
- мәктәп укучыларын тарифларны дәүләт тарафыннан җайга салу өлкәсендә Татарстан Республикасы Тарифлар буенча дәүләт комитеты эшчәнлеге белән таныштыру;
- укучыларның дөньяга карашын үстерү;
- танып белүгә мотивация үстерү.
Эшләр Дәүләт комитеты эшчәнлеге тематикасы кысаларында тәкъдим ителде (коммуналь хезмәтләргә тарифлар, транспорт хезмәтләренә тарифлар, социаль өлкә хезмәтләренә тарифлар).
Анда Арча, Сарман, Спас муниципаль районнары һәм Казан шәһәре укучылары актив катнашты.
Бүләкләү датасы очраклы гына сайланмады – 17 гыйнварда бөтен дөньяда Балалар уйлап тапкан әйберләр көне билгеләп үтелә! Катнашучыларга әлеге көнгә багышланган мәгълүмати видеоролик тәкъдир ителде.
Белешмә: 17 гыйнвар - дәүләт эшлеклесе, дипломат, галим, инженер Бенджамин Франклинның туган көне, ул үзе уйлап тапкан беренче әйберне 12 яшендә патентлаган.
Балалар уйлап тапкан әйберләрнең исемлеге бик зур, әйтик, батут, Брайль шрифты, кәгазь пакетлар, су чаңгылары. Ел саен 600 меңнән артык бала һәм яшүсмер төрле әйберләр уйлап таба, уеннар уйлап чыгара һәм техниканы һәм роботларны модификацияли. Аларның барлык уйлап тапкан әйберләре безнең тормышыбызны уңайлырак һәм кызыклырак итә.
Алга таба ТР Тарифлар буенча дәүләт комитетында «Балалар күзлегеннән тарифлар» балалар иҗаты конкурсында җиңүчеләрне бүләкләү булды. Очрашу рәиснең беренче урынбасары Лариса Хәбибуллина катнашында узды. Дәүләт комитеты рәисенең беренче урынбасары балаларга катнашулары өчен рәхмәт белдерде һәм тарифларны җайга салу темасының гади булмавын һәм аның турында балаларга мәктәп эскәмиясеннән аңлата башларга кирәклеген билгеләп үтте. Лариса Хәбибуллина педагогларга укучыларга тариф белеме мәсьәләләрен аңлатканнары өчен аерым рәхмәт белдерде.
Җиңүчеләрне тәбрик итәбез! Һәм һәр конкурс яңа тәҗрибә булсын һәм яңа биеклекләргә ирешүгә адым булсын.
1-4 сыйныфлар категориясендә:
Фидалия Фәйзрахманова – Арча районы
Асель Зыякова – Казан ш.
Михаил Ареев – Казан ш.
Даниил Вилков – Казан ш.
5-8 сыйныфлар категориясендә:
Айнур Садретдинов – Спас районы, Көек авылы
Диана Абдуллина – Казан ш.
Гөлия Хәлиуллина – Сарман районы
Ангелина Федорова – Казан ш.
Эвелина Әлмиева – Арча районы
Чара Татарстанның табигый тарих музеенда экскурсия белән тәмамланды.
Әлеге конкурста катнашу – үз сәләтләреңне күрсәтү мөмкинлеге генә түгел, ә дөньяга карашыңны киңәйтү, ниндидер яңа һәм кызыклы нәрсәләр белү мөмкинлеге дә ул.