Түләүсез юридик ярдәм
Татарстан Республикасы Тарифлар буенча дәүләт комитеты (алга таба – Дәүләт комитеты) түләүсез юридик ярдәм күрсәтү буенча дәүләт системасында катнашучы булып тора һәм гражданнарга Дәүләт комитеты компетенциясенә кагылышлы мәсьәләләр буенча телдән һәм язма формада хокукый консультация бирү рәвешендә түләүсез юридик ярдәм күрсәтә.
Дәүләт Комитетының вәкаләтләре гражданнар мөрәҗәгатьләрен карау өчен Татарстан Республикасы Министрлар Кабинетының «Татарстан Республикасы Тарифлар буенча дәүләт комитеты мәсьәләләре» 15.06.2010 № 468 карары белән расланган Татарстан Республикасы Тарифлар буенча дәүләт комитеты турында нигезләмә, Россия Федерациясе законнары һәм Татарстан Республикасы законнарында каралган тәртиптә билгеләнгән.
Гражданнарны түләүсез юридик ярдәм күрсәтү буенча кабул итү Дәүләт комитеты белгечләре тарафыннан түбәндәге адрес буенча үткәрелә: Казан шәһәре, Карл Маркс урамы, 66 йорт, 354 кабинет, көн саен, бәйрәм һәм ял көннәреннән тыш (дүшәмбе-пәнҗешәмбе: 8.00-17.00, җомга: 8.00-15.45, төшке аш: 12.00-12.45).
Түләүсез юридик ярдәм күрсәтү мәсьәләсе буенча 8(843) 221-82-17 телефоны буенча шалтыратырга мөмкин.
Татарстан Республикасы Президентының 2013 елның 24 маендагы ПУ-444 номерлы Указы белән расланган Татарстан Республикасы территориясендә түләүсез юридик ярдәм күрсәтү дәүләт системасында катнашучыларның үзара хезмәттәшлек итү тәртибенең 15 пункты нигезендә, әгәр гражданин (аның законлы вәкиле) күтәргән мәсьәләләр түләүсез юридик ярдәм күрсәтү буенча дәүләт системасында башка катнашучының компетенциясенә карый икән, гражданин мөрәҗәгать иткән көнне гражданинга кая мөрәҗәгать итү кирәклеге турында аңлатыла.
Тулырак: kt.tatarstan.ru/besplatnaya-yuridicheskaya-pomoshch