Дәүләт комитетында 2025 елга су белән тәэмин итү һәм ташландык суларны агызу системаларына тоташтыруга тариф проектларын карадылар

2024 елның 16 августы, җомга

2025 елгы тариф кампаниясе кысаларында Дәүләт комитеты экспертлары түбәндәге оешмаларны су белән тәэмин итү һәм ташландык суларны агызу системаларына тоташтыруга тарифларның якынча дәрәҗәләрен исәпләп чыгарды:

1. «Алабуга» сәнәгый-җитештерү тибындагы махсус икътисадый зонасы» АҖ.

2. «ЧЕЛНЫВОДОКАНАЛ» ҖЧҖ.

3. «Су үткәрү-канализация һәм энергетика хуҗалыгы» АҖ.

Эшче тариф комиссиясе утырышында күрсәтелгән оешмаларның вәкилләре Дәүләт комитетының исәп-хисаплары белән танышты. Предприятиеләр билгеләнгән срокларда тариф эшләренең материалларына теркәү өчен өстәмә документлар җибәрәчәк, алар экспертлар тарафыннан каралачак.