Дәүләт комитетында 2025 елга су белән тәэмин итү һәм ташландык суларны агызу системаларына тоташтыруга тариф проектларын карадылар

2024 елның 9 августы, җомга

2025 елгы тариф кампаниясе кысаларында Дәүләт комитеты экспертлары түбәндәге оешмаларны су белән тәэмин итү һәм ташландык суларны агызу системаларына тоташтыруга тарифларның якынча дәрәҗәләрен исәпләп чыгарды:

1. «Алексеевскводоканал» ААҖ.
2. «Пласт басымын тотып тору өчен технологик сыекча әзерләү идарәсе» ҖЧҖ.
3. «Альметьевск-Водоканал» АҖ.
4. «Водоканал» ҖЧҖ (Лениногорск районы).

Эшче тариф комиссиясе утырышында күрсәтелгән оешмаларның вәкилләре Дәүләт комитетының исәп-хисаплары белән танышты. Предприятиеләр билгеләнгән срокларда тариф эшләренең материалларына теркәү өчен өстәмә документлар җибәрәчәк, алар экспертлар тарафыннан каралачак.