Дәүләт комитетында инвестицион программалар үтәлешен контрольдә тоту буенча эшче штаб утырышы узды
Бүген ТР Тарифлар буенча дәүләт комитеты рәисе Александр Груничев җайга салынулы оешмаларның инвестицион программаларны үтәвен тикшереп тору буенча эшче штаб утырышын уздырды.
Штаб утырышында Татарстан Республикасы Рәисе каршындагы Тармакара кулланучылар советы рәисе Тимур Халиков, Татарстан Республикасы Прокуратурасының икътисад өлкәсендәге законнар үтәлешен күзәтү бүлеге башлыгы Тимур Гыйльманов, Татарстан Республикасы Сәнәгать һәм сәүдә министрлыгының энергетика һәм энергия нәтиҗәлелеген үстерү бүлеге башлыгы Евгения Каткова, МКФХ Татарстан Республикасы буенча идарәсе җитәкчесе урынбасары Андрей Розенталь, «Татарстан Республикасы шәһәрләре үсеше институты»ның шәһәр мохите үсеше программалары департаментының торак территорияләрен үстерү бүлегенең баш архитектор-шәһәр төзүчесе Олег Гордиенко, «Татэнерго» АҖ, «Таткоммунэнерго» кулланучылар җәмгыяте» АҖ, «ГазТеплоАвтоматика» ҖЧҖ вәкилләре һәм башкалар катнашты.
Утырышта катнашучылар 2024 елда җылылык белән тәэмин итү, су белән тәэмин итү һәм су агызу өлкәсендәге инвестицион программалар үтәлеше турындагы мәгълүматны тыңладылар. 2024 елгы инвестпрограммаларны гамәлгә ашыруда «Әлмәт җылылык челтәрләре» АҖ, «Казэнерго» АҖ, «Таткоммунэнерго» РҖБ» АҖ, «Чистай җылылык челтәрләре предприятиесе» ААҖ, «Альтехносервис» ҖЧҖ (Әлмәт районы), «Водотехносревис» ҖЧҖ (Кукмара районы), «Газтеплоавтоматика» ҖЧҖ (Алабуга районы) катнаша.
Коммуналь инфраструктураны яңарту буенча бурычның оперативлыгы һәм мөһимлеге Штаб булдыру кирәклеген билгели. Штаб булдыру турында боерык Александр Груничев тарафыннан 2024 елның гыйнварында имзаланды, аның бурычы – көйләнә торган оешмаларның инвестиция программаларын, физик һәм финанс күрсәткечләрен гамәлгә ашыруны контрольдә тотуны көчәйтү, үзгәрешләргә оператив җавап бирү һәм тармак министрлыклары белән берлектә килештерелгән карарлар кабул итү.
Штабны Александр Груничев җитәкли, аның урынбасары итеп беренче урынбасар Лариса Хәбибуллина билгеләнде. Штаб составына Татарстан Республикасы Министрлар Кабинеты, Татарстан Республикасы Прокуратурасы, Татарстан МКФХ идарәсе, Дәүләт торак инспекциясе, Татарстан Республикасы Төзелеш, архитектура һәм торак-коммуналь хуҗалыгы министрлыгы, Татарстан Республикасы Сәнәгать һәм сәүдә министрлыгы, «Татарстан Республикасы Дәүләт заказы агентлыгы» АҖ вәкилләре керә.