Татарстан Республикасы Тарифлар буенча дәүләт комитеты рәисе Александр Груничев эш визиты белән Яңа Чишмә районында булды
Дәүләт комитеты рәисенең эшлекле сәфәре җайга салынулы оешмалар объектларына барудан башланды. Яңа Чишмә районы башлыгы Вячеслав Козлов белән берлектә рәис биологик чистарту корылмасы эшчәнлеге белән танышты. Сөйләшү вакытында бүгенге көндә булган күп проблемалар турында сөйләштеләр.
Сәфәр Гряда су алу корылмасы территориясендәге коммуналь инфраструктура объектларын карап дәвам итте. Авылны су белән тәэмин итү өчен Чишмә елгасының уң һәм сул ярында урнашкан һәм югары Казан катламнарына туры килгән «Елхово» һәм «Гряда» су корылмаларыннан чишмә сулары файдаланыла.
Белешмә: «Гряда» су алу корылмасы 1986 елдан бирле файдаланыла һәм Яңа Чишмә авылыннан 1,7 км төньяк-көнчыгыштарак, Шушма елгасы үзәненең уң як битләве нигезендә урнашкан. Гомуми дебиты 6 л/с булган аска таба сузылган чишмәләргә каптировка ясала. Химик составы буенча катнаш су – кальций-магнийлы гидрокарбонатлы, минеральләшүе 0,4-0,6 г/дм3,катылыгы 6-7,3 ммоль/дм3. Су алу корылмасы 20 м радиустагы койма белән әйләндереп алынган. Тәүлеклек су җыю тәүлегенә 500-520 м3 тәшкил итә. Суүткәргечләр (торбаларның диаметры 200 мм) 2 җепкә салынган. Суүткәргечнең озынлыгы 5365 метрга тигез.
Аннан соң делегация социаль газлаштыру программасы кысаларында газ үткәрелгән йорт хуҗалыкларын карады. Шуннан соң ТР Тарифлар буенча дәүләт комитеты рәисе догазификация программасын гамәлгә ашыруның барышы турында киңәшмә үткәрде, анда төзелгән килешүләр һәм проблемалы мәсьәләләр буенча йөкләмәләр үтәлеше турында фикер алыштылар.
Шунысын да билгеләп үтәргә кирәк, күчмә чаралар Дәүләт комитеты җитәкчелеге тарафыннан даими үткәрелә һәм тарифлар буенча халыкның сорауларына оператив рәвештә җавап бирергә мөмкинлек бирә.
Коммуналь инфраструктура объектларының күчмә мониторингы нәтиҗәләре 2025 елга тариф карарларын кабул иткәндә Дәүләт комитеты экспертлары тарафыннан исәпкә алыначак.