ТР Тарифлар буенча дәүләт комитеты «Җиңү диктанты» акциясендә катнашучыларны котлады
2024 елда «Җиңү диктанты» халыкара мәгърифәтчелек акциясендә ике миллионнан артык кеше катнашкан, узган ел алар 1,8 миллионга якын булган. Акция Бөек Ватан сугышы вакыйгаларына багышланган һәм Россия тарихи җәмгыяте, Россия хәрби-тарихи җәмгыяте, «Бердәм Россия» партиясе һәм «Җиңү волонтерлары» Бөтенроссия иҗтимагый хәрәкәте тарафыннан үткәрелде.
Быел апрель аенда акция алтынчы тапкыр узды һәм аны уздыру өчен Россиянең барлык төбәкләрендә һәм чит илләрнең 61 илендә 28 меңнән артык мәйданчык оештырылган.
Диктантта катнашучыларга 25 сорауга җавап бирергә тәкъдим ителде: гомуми хәрби-тарихи тематика буенча 20 һәм төбәк тематикасы буенча биш, шул исәптән чит ил катнашучылары өчен эшләнгәннәренә дә.
ТР Тарифлар буенча дәүләт комитетында Казан шәһәре Авиатөзелеш районының «Аерым фәннәрне тирәнтен өйрәнүче 54 нче мәктәп» МББУ чыгарылыш укучыларын бүләкләү булды:
- Копышева Дарья Евгеньевна;
- Логинова Полина Сергеевна;
- Корнилов Сергей Дмитриевич;
- Долгушин Кирилл Сергеевич.
Очрашу ТР Тарифлар буенча дәүләт комитеты рәисе урынбасары Дмитрий Сапожников катнашында узды. Рәис урынбасары балаларга диктант белән кызыксынулары өчен рәхмәт белдерде һәм укучыларга акциянең әһәмияте турында сөйләде, аның төп бурычлары – буыннар бәйләнешен һәм илебез тарихының героик битләре турында хәтерне саклау, дип аңлатты. Шулай ук, ул билгеләп үткәнчә, чараның төп максаты — киң җәмәгатьчелекне Бөек Ватан сугышы тарихын өйрәнүгә җәлеп итү.
«Ватан, Туган ил безгә ата-бабаларыбыз тарафыннан васыять ителгән. Бездә башка ватан һәм башка ил булмаячак. Һичшиксез, «Җиңү диктанты»н язып, сезнең күбегез Бөек Ватан сугышы тарихы буенча китаплар артыннан, яңа белем бирү интернет-порталларына, гаилә архивларына үз белемнәрен тулыландыру, истәлекләрен яңарту өчен тартылачак, ә кемдер эзләү экспедицияләрендә катнашачак, сугыш катнашучылары һәм тыл хезмәтчәннәре гаиләләренә волонтерлар сыйфатында чын ярдәм белән киләчәк. Тарих укытучысы Светлана Красильниковага аерым рәхмәт, ул сезгә ярдәм итте һәм яңа белемнәргә илһамландырды», – дип тулыландырды ТР Тарифлар буенча дәүләт комитеты рәисе урынбасары Дмитрий Сапожников.
Чара экскурсия белән тәмамланды. ТР Тарифлар буенча дәүләт комитетының эшләр идарәчесе Гаяз Миңнебаев укучыларны ведомство эшчәнлеге белән таныштырды һәм электр энергетикасы, җылылык белән тәэмин итү, газ белән тәэмин итү, су белән тәэмин итү һәм ташландык суларны агызу кебек өлкәләрдә бәяләрне, тарифларны, өстәмәләрне көйләү эше турында сөйләде.
Фоторепортаж