БӨЕК ВАТАН СУГЫШЫ ГЕРОЙЛАРЫ ИСТӘЛЕГЕНӘ СТЕНА проектын дәвам итәбез
Сезнең алда ведомство хезмәткәрләренең сугышларда катнашкан, тылда эшләгән, ватан намусын саклаган, ә сугыштан соңгы елларда аны Бөек державага әйләндергән туганнары.
"Безнең гаиләдә Бөек Ватан сугышы эзләре".
...Менә 2024 елның язы килде. Һәм безгә, Бөек Ватан сугышын кичермәгән яшьләргә, ул шундый ерак тоела. Сугышның куркыныч сулышы бөтен кешелеккә кагылды, ул һәр йортка бәреп керде, авырту һәм газаплар китерде.
Мин әбием, ШӘРӘФЕТДИНОВА (Шәрәфиева) МӘЙСӘРӘ САДРИ кызы турында сөйләргә телим.
Әбием 1935 елда Арчаның Сикертән авылында туа. Гаиләдә 16 бала була.
Гаилә ачлыктан мөмкин кадәр котылырга тырыша, балалар җилкәсенә авыр хезмәт туры килә, бу чакта әбием бик кечкенә була, ул тылда эшли. Ул, аякларым гел боз булып ката иде, дип сөйли, чөнки аяк киеме булмаган һәм еш кына яланаяк йөрергә туры килгән. Аның өлкән абыйларының берсе Мәхмүт (Исмәгыйль) Украинага барып җитә, анда сугыштан соң Украин кызына өйләнә.
Бабакай, Гайнатуллин Нурмөхәммәт Әхмәтулла улы белән алар сугыштан соң танышалар. Өйләнешәләр һәм 50 елдан артык бергә яшиләр, алтын туйны билгеләп үтәләр.
Бу сугышта һәр бала ачлыкка һәм куркуга карамастан, үз батырлыгын кертә. Якыннарыбыз, тынычлык, тормыш, киләчәккә хокук булсын өчен, шундый куркыныч бәя түләделәр.
Әбием, без сиңа өлкәннәрне хөрмәт итәргә, бер-береңне хөрмәт итәргә һәм тормышка сакчыл карарга өйрәткәнең өчен рәхмәтле!
Батырлык һәм кыюлык өчен рәхмәт. Тугрылык, үз-үзеңне аямыйча кылынган фидакарьлек өчен. Сезнең батырлык – исән! Сез – безнең геройлар! Кылган гамәлләрегез өчен рәхмәт сезгә!