ТР Тарифлар буенча дәүләт комитеты ДХП буенча форумда катнаша
27 ноябрьдән Казанның Бәшир Рәмиев исемендәге ИТ-паркында дәүләт-хосусый партнерлык буенча VI Төбәкара тармак форумы уза. Бу вакыйга бизнес һәм дәүләтнең үзара эшчәнлегенә һәм аны нәтиҗәле тормышка ашырырга ярдәм итә торган концессия килешүләре механизмына багышлана.
Чарада Татарстан Республикасы Тарифлар буенча дәүләт комитеты рәисенең беренче урынбасары Лариса Хәбибуллина һәм инвестицион программалар бүлеге башлыгы Айгөл Йосыпова катнашалар һәм тематик докладлар белән чыгыш ясаячаклар.
Чара төрле тармакларда, шул исәптән икътисадта, мәгарифтә, торак-коммуналь, юл хуҗалыгында һ.б. ДХП механизмын куллану кейсларына кагылачак. Үз кейслары белән Россиянең 20дән артык төбәгеннән экспертлар уртаклашачак.
Форумда түбәндәге төп сорауларга аерым игътибар биреләчәк:
- Киләчәк инфраструктурасына инвестицияләр
- 2022-2023 ел өчен ДХП төп нәтиҗәләр
- ДХП проектларын гамәлгә ашыруга комачаулаучы кыенлыклар
- Партнерлыкның дәүләт һәм бизнес формалары эволюциясе
- ДХП проектларының куркынычлары һәм төп аспектлары
- Концессиянең дәүләт сатып алуларыннан төп аермалары
- ДХП үсеше планнары һәм перспективалары
ТР Тарифлар буенча дәүләт комитеты рәисенең беренче урынбасары Лариса Хәбибуллина «Тарифларны җайга салу һәм концессия килешүләре» темасына доклад белән чыгыш ясаячак. «Татарстан Республикасы Лаеш муниципаль районы авыл җирлекләрендә урнашкан су белән тәэмин итү объектларына карата уртак конкурс нигезендә концессия килешүен төзү» темасына доклад Лаеш районы башкарма комитеты җитәкчесенең икътисадый мәсьәләләр буенча урынбасары Ленар Җамалиев тарафыннан яңгыратылачак.
Дәүләт-хосусый партнерлык дәрәҗәсе буенча регионнар рейтингында Татарстан Республикасы 2020-2022 елларда 67нче урыннан 4нче урынга күтәрелде.
Чараны Татарстан Республикасының Инвестиция үсеше агентлыгы оештырды.