Татарстанда «Цифрлы икътисад» илкүләм проекты гамәлгә ашырыла

Икътисадта һәм социаль өлкәдә цифрлы технологияләрне тиз арада кертүне тәэмин итү максатыннан, Россия Федерациясе Хөкүмәте тарафыннан 2019-2024 еллар чорына «Россия Федерациясенең цифрлы икътисады» илкүләм программасы  формалаштырылды. Аны гамәлгә ашыру югары технологияле бизнес өчен шартлар тудырачак, илнең конкурентлыкка сәләтлелеген арттырачак, илкүләм иминлекне ныгытачак һәм халыкның тормыш сыйфатын яхшыртачак.

Программа составына 9 федераль проект керә, шуларның берсе булып «Кадрлар һәм мәгариф» тора.

• мәгариф системасын камилләштерү цифрлы икътисад өчен квалификацияле кадрлар әзерләүне тәэмин итәчәк, ә гражданнар цифрлы компетенцияләрне үзләштерү өчен яңа мөмкинлекләр һәм мотивация алачак.
• 200 мең россияле чыгымнарны тулысынча яки өлешчә компенсацияләү шартларында өстәмә белем бирүнең махсус программалары буенча цифрлы компетенцияләрне үзләштерү мөмкинлеге алачак.
• 50 мең дәүләт хезмәткәре дәүләт һәм муниципаль идарәнең цифрлы трансформация өлкәсендә компетенцияләргә өйрәтү узачак.
• югары уку йортларында бюджет урыннарына мәгълүмати технологияләр өлкәсендәге программаларга елына 120 мең кешегә кадәр кабул ителәчәк.
• 80 мең югары һәм урта һөнәри белем бирү укытучысы ИТ-белгечлекләр һәм төрле фән тармаклары өчен яңа программалар буенча квалификация күтәрү узачак.

Фото чыганагы: Национальные проекты.рф