Татарстанда «Цифрлы икътисад» илкүләм проекты гамәлгә ашырыла
Икътисадта һәм социаль өлкәдә цифрлы технологияләрне тиз арада кертүне тәэмин итү максатыннан, Россия Федерациясе Хөкүмәте тарафыннан 2019-2024 еллар чорына «Россия Федерациясенең цифрлы икътисады» илкүләм программасы формалаштырылды. Аны гамәлгә ашыру югары технологияле бизнес өчен шартлар тудырачак, илнең конкурентлыкка сәләтлелеген арттырачак, илкүләм иминлекне ныгытачак һәм халыкның тормыш сыйфатын яхшыртачак.
Программа составына 9 федераль проект керә, шуларның берсе булып «Дәүләт идарәсе» тора.
Дәүләт хезмәтләре порталын үстерү һәм социаль әһәмиятле хезмәтләрнең 95%ын электрон формага күчерү – «Цифрлы икътисад» илкүләм проектның төп бурычларының берсе. Портал – гражданнар һәм дәүләтнең үзара хезмәттәшлеге өчен илебезнең бөтен халкы диярлек файдаланган бердәм тәрәзә.
2021 елның апреленнән яңартылган порталның бета-версиясе бар. Аның төп аермасы – кулланучылар белән аралашуның яңа форматы. Традицион эзләү урынына порталда интеллектуаль ярдәмче робот Макс барлыкка килде, ул онлайн режимда кулланучыларның сорауларына җавап бирә һәм аларның ихтыяҗларын ачыклый.
Хәзер порталда җиде супер сервис бар. Иң кирәклеләрнең берсе — «Югары уку йортына онлайн керү»: аның ярдәмендә пандемия елында мәктәпне тәмамлаучылар дистанцион рәвештә документларны тапшырып, югары уку йортларына укырга керә алдылар. «Онлайн социаль ярдәм» сервисы суперы социаль ярдәм чараларына (гражданинның ризалыгы белән) хокукларның барлыкка килү ихтималы турында актив мәгълүмат бирергә, «Цифрлы башкару эшчәнлеге» сервисы – башкарма производство барышы белән танышырга һәм суд приставлары янына шәхсән бармыйча гына дистанцион рәвештә үтенеч бирергә мөмкинлек бирә. «Хезмәт мөнәсәбәтләре онлайн» супер сервисы ярдәмендә «Россиядә эш» вакансияләр базасын кулланып, эшсезлек буенча пособие рәсмиләштерергә һәм хезмәт эшчәнлеге турында электрон рәвештә, ә «Евроберкетмәне онлайн рәсмиләштерү» сервисы ярдәмендә (Android яки IOS базасында мобиль кушымта йөкләргә кирәк) – ЮХИДИ хезмәткәре катнашыннан башка юл-транспорт һәлакәтен рәсмиләштерергә мөмкин. Гражданнарга шулай ук «Онлайн пенсия» һәм «Инвалидлык булганда онлайн ярдәм» супер сервислары да бар.