Дәүләт комитетында коллектив ветераннары һәм пенсионерлары белән очрашу булды
Өлкәннәр көне декадасы кысаларында Татарстан Республикасы Тарифлар буенча дәүләт комитетында коллектив ветераннары һәм пенсионерлары белән очрашу булды.
Кунаклар хезмәттәшләре белән очрашуга шат иде, соңгы елларда коллективта һәм тулаем алганда тарифлар ясалу өлкәсендә булган үзгәрешләр турында кызыксынып фикер алыштылар. Ә ветераннар, үз чиратында, җылы һәм кунакчыл кабул итүләре, хезмәттәшләре белән аралашу мөмкинлеге, үткәнне искә төшерү һәм үзләрен бүген Дәүләт комитеты стеналарында булган вакыйгаларга катнашы барлыгын тоюы өчен рәхмәт белдерделәр.
Шулай ук 1983 елдан 2008 елга кадәр Дәүләт комитетында Татарстан Республикасы РЭК кулланучылар базарында бәяләрне көйләү һәм контрольдә тоту бүлегенең баш белгече булып эшләгән хезмәт ветераны Найлә Җәмил кызы да рәхмәт сүзләрен җиткерде.
Бу көнне бәйрәм итү – картлыкны ихтирам итү һәм хөрмәтләү традицияләренә дан җырлау, өлкән яшьтәге кешеләрнең җәмгыятьнең икътисадый һәм рухи потенциалын формалаштыруга зур өлеш кертүен, дәүләт үсешенә күпкырлы өлеш кертүен иҗтимагый тану билгесе.
Мондый очрашулар – ветераннарга һәм пенсионерларга аларның элеккечә мөһим һәм бүген эшләүче коллективка кирәк булуын искә төшерү өчен тагын бер мөмкинлек.
Искәртеп узабыз, өлкәннәр өчен комплекслы программаларны үстерү нәтиҗәсендә, «Демография» илкүләм проекты кысаларында, хәзерге пенсионерлар кызыклы ял итү өчен төрле мөмкинлекләрдән файдалана.
«Өченче яшьтәгеләр университетлары» – «Демография» илкүләм проекты ярдәмендә тормышка ашырыла торган «Актив озак яшәү» программасы юнәлешләренең берсе. Белем бирү курслары төрле: сәламәт озак яшәү, финанс белеме, психология, чит телләр, хокук, компьютер белеме һәм башкалар. Һәм шунысы мөһим, укыту – бушлай. Курсны халыкка социаль хезмәт күрсәтү үзәкләрендә яки үз төбәгеңдә озак яшәү үзәкләрендә сайларга мөмкин.
Барлык программалар да өлкән яшьтәге кешеләр ихтыяҗларына җайлаштырылган һәм лекцияләр, түгәрәк өстәлләр, әңгәмәләр, гамәли дәресләрне үз эченә ала. Бу пенсионерларга үз социаль статусын сакларга һәм буш вакытларын оештырырга ярдәм итә.