ТР Тарифлар буенча дәүләт комитеты вәкилләре Әстерхан коллегалары белән тәҗрибә уртаклашты
Татарстан Республикасының Тарифлар буенча дәүләт комитеты һәм Әстерхан өлкәсенең тарифлар буенча хезмәте видеоконференцэлемтә форматында товарларга (эшләргә, хезмәтләргә) бәяләрне (тарифларны) дәүләт тарафыннан җайга салу өлкәсендә эш тәҗрибәсе белән алмашу буенча конференция үткәрделәр.
Чарада ТР Тарифлар буенча дәүләт комитеты рәисенең беренче урынбасары Лариса Хәбибуллина, Дәүләт комитетының структур бүлекчәләре җитәкчеләре, шулай ук Әстерхан өлкәсе Тарифлар хезмәте бүлеге башлыклары Асанова Ксения, Бронникова Ольга, Турасова Людмила, Чунакова Нина катнашты.
Конференция кысаларында тариф кампаниясенең иң актуаль мәсьәләләрен карадылар, булган проблемаларны тикшерделәр. Фикер алышу өчен төп темаларның берсе мәгълүмат ачуның яңа стандартлары, җайлаштыру механизмын куллану булды. Тарифларны көйләүнең башка мәсьәләләре дә яктыртылды:
- электр энергетикасында даими килешү төзү;
- халык өчен электр энергиясенә эклектик энергия куллану күләменең өч диапазоны буенча дифференциацияләнгән тарифларны раслау;
- амортизация түләүләрен, милеккә салымны, җайга салына торган оешмалар табышына салымны исәпкә алу;
- җайга салу органы тарафыннан базар бәяләрен анализлау тәртибе;
- суд практикасы.
Чара Татарстан Республикасы Хөкүмәте һәм Әстерхан өлкәсе Хөкүмәте арасында төзелгән сәүдә-икътисадый, фәнни-техник, социаль һәм мәдәни хезмәттәшлек турында килешү кысаларында оештырылды һәм квартал саен уздырылды.