ТР Тарифлар буенча дәүләт комитеты «Водоканал» МУП объектларында инвестиция программасы үтәлешен тикшерде
ТР Тарифлар буенча дәүләт комитетының инвестицион программалар бүлеге хезмәткәрләре Казан шәһәренең «Водоканал» МУП инвестицион программасы чараларының үтәлешен контрольдә тотуны дәвам итәләр.
Оешма вәкилләре белән берлектә түбәндәге чараларны гамәлгә ашыру барышы буенча күчмә тикшерү үткәрелде:
- Толстой урамы буенча Зур Кызыл урамыннан Подлужная урамына кадәр суүткәргеч участогын реконструкцияләү. 550 метр торба салынган. Суүткәргеч һәм элек иске торбага тоташтырылган барлык кулланучылар буенча яңа ялганышлар ясалган. Территорияне төзекләндерү, тротуарлар, яшел зона һәм юллар төзү буенча эшләр алып барыла;
- Гадел Кутуй урамындагы суүткәргеч участогын реконструкцияләү. 600 метр торба салынган. 4 камера урнаштырылган. Трамвай юллары астында «гильза» куелган.
- Парин урамы буенча Сыртланова урамыннан Мәүлетов урамына кадәр суүткәргеч участогын реконструкцияләү (полимер сукмак белән санацияләү). Гомуми озынлыгы 680 м.
Җайга салу органы оешманың инвестиция проектларын гамәлгә ашыру срокларын үтәвенең мөһимлеген билгеләп үтте. Күчмә мониторинг нәтиҗәләре 2024 елга су белән тәэмин итү һәм ташландык суларны агызу өлкәсендә тарифларны билгеләгәндә исәпкә алыначак.