Дәүләт комитеты хезмәткәрләре «Водоканал» МУП инвестиция программаларының үтәлешен тикшерделәр
Татарстан Республикасы Тарифлар буенча дәүләт комитетының инвестицион программалар бүлеге хезмәткәрләре «Водоканал» МУП вәкилләре белән берлектә инвестицион программа чараларының үтәлешен контрольдә тотуны дәвам итәләр.
Кичә Революционная урамы буенча «Магазинная/Красиков урамыннан Равнинная урамына кадәр участокны реконструкцияләү» объектында эшләр башланган.
Участокта:
- 400 мм п/этилен торбасы шундый ук диаметрлы иске тимер торба урынына алмаш итеп урнаштырыла;
- 12 метрлы кисәкләрдән 160 метрлы торбалар җыелган;
- 147 погон метр грунт борауланган һәм алга таба 400 мм кадәр киңәйтеп, каналны 300 мм насадка белән киңәйтү эшләре алып барыла.
Эшне комлы грунт һәм югары басымлы газүткәргеч белән челтәрләр киселеше булуы катлауландыра. Кумлы грунтлар борауланган каналны ныгыту өчен бентонит чыгымын арттыруны таләп итә, ә югары басымлы газүткәргеч белән киселештә туфракны кул белән эшкәртү, ягъни газүткәргечне шурфовкалау таләп ителә.
1350 метрлы күләмне 2023 елның 30 сентябренә тәмамлау планлаштырыла.
Соңгы стадиядәге тукталыш «Толстой урамындагы Б.Красная урамыннан Подлужная урамына кадәр суүткәргеч участогын реконструкцияләү» объекты булды. Реконструкцияләнгән участокта Толстой урамында диаметры 225 мм булган яңа полиэтилен торба салынган һәм 6 кое монтажланган.
Хәзерге вакытта булган абонентларны керткәнче, юдырту, хлорлау, пресслау һәм актыккы юдырту эшләре алып барыла.
Август аенда, тоташтырудан соң, территорияне төзекләндерү - тротуарлар, яшел зона һәм юллар төзү башланачак.