Kazan Digital Week-2023: цифрлаштыру һәм инновация үсешенә яңа чакырулар
2023 елның 20-22 сентябрендә Татарстан Республикасы башкаласы Казанда Россия Федерациясе Хөкүмәте Татарстан Республикасы Министрлар Кабинеты белән берлектә Kazan Digital Week-2023 халыкара форумы уза.
Форумның миссиясе – фәнни-техник мәгълүмат алмашуда ярдәм итү, импортны алмаштыру һәм импортны кисәтү мәсьәләләрен нәтиҗәле хәл итә алган фәнни-технологик активларны туплау, РФ халыкара хезмәттәшлектә лидерлыгы нигезе буларак технологик суверенитет һәм мәгълүмат суверенитетын тәэмин итү.
Kazan Digital Week-2023 түбәндәге темалар буенча узачак:
- Интеллектуаль транспорт системалары;
- Дәүләт идарәсе өлкәсендә цифрлы технологияләр;
- Цифрлы индустрия 4.0;
- Белем бирүдә цифрлы технологияләр;
- Мәдәнияттә цифрлы технологияләр;
- Яңа заман кибер куркынычсызлыгы;
- Финтех экосистемасы;
- Бизнеска интеграцияләнгән инновацияләр;
- Сәламәтлек саклау һәм медицинада цифрлы технологияләр;
- Авыл хуҗалыгында цифрлы технологияләр.
«Казан Экспо» ХКҮ экспозиция мәйданчыгында югары технологияле эшләнмәләр, программа тәэминаты, программа-аппарат комплекслары, гамәлдәге техника һәм җиһазлар үрнәкләре күргәзмәсе узачак.
Катнашу өчен теркәлү узарга, шулай ук программа белән рәсми сайтта җентекләбрәк танышырга мөмкин: https://kazandigitalweek.com/
KDW – 2022 нәтиҗәләре буенча 10 төп цифрлаштыру юнәлеше буенча 143 программа чарасында 17,5 меңнән артык кеше катнашкан, 13,5 мең кеше – турыдан-туры һәм 4 меңнән артыгы – онлайн. Күргәзмәдә 133 оешма һәм компания катнаша, алар югары технологияле продукциянең 222 үрнәген тәкъдим итә.
Дәүләт комитетыннан спикер булып рәис урынбасары (CDTO) Сергей Павлов инженерлык челтәрләренә технологик тоташтыру өлкәсен цифрлы трансформацияләү проекты белән чыгыш ясады.
Форум нәтиҗәләре буенча Татарстан Республикасы Хөкүмәте һәм Россия МКФХ арасында дәүләт һәм муниципаль ихтыяҗлар өчен сатып алуларны гамәлгә ашырганда тарифларны җайга салу һәм конкуренцияне тәэмин итү өлкәсендә дәүләт идарәсен цифрлы трансформацияләү өлкәсендә хезмәттәшлек итү ниятләре турында килешү төзелде.
Килешүгә ярашлы рәвештә, Татарстан Республикасы «Гостех» бердәм цифрлы платформасына күчерү юлы белән «Федераль җайга салу органы - региональ җайга салу органнары - җайга салу субъектлары» системасын модернизацияләү проектында катнашучы өч сынау төбәгенең берсе булып тора.
Мәгълүмат чыганагы: d-russia.ru